Kum shibynta ban kyntiew ia ka jingstad saian katkum ka jingiaid ka por khamtam ha kine ki sngi ba u briew ula im ryngkat ryngkat bad ka juk jingstad saian, naka liang ka ophis jong ka District School Education Officer, West Jaintia Hills hynne ka sngi kala pynlong iaka jingiakop science exhibition ba shisngi bala tip kum ka District Level Science, Mathematics and Environment exhibition bala pynlong ha Jowai Public School halor ka phang pdeng kaba ong “Science and Technology for society”
Ha kane ka exhibition la wan ban shim bynta daki 11 tylli ki skul halor ki phang bapher bapher bad la wan ban sakhi ruh da u Deputy Commissioner ka West Jaiñtia Hills District u B. S Sohliya kum u kongsan uba la shim bynta ruh ban iakren bad ki khynnah skul halor ki phang ba kila pynkhreh. Nangta la donlang ruh ka A.P Syiem, District School Education officer, ki nonghikai bad kiwei.
U Deputy Commissioner ula sam ruh iaki prize shaki nongjop ha kaba iaka nam ba nyngkong la iohrah ka Weimaya Nongtdu Lakiang naka skul North Liberty Higher Secondary School halor ka sub theme – ‘ Testing the acidity and basicity of the soil using natural indicator (Agriculture), wan ba ar ka Ayesha Pale naka skul Jowai Public School, Jowai halor ka sub theme- ‘ Deminstration and use of traditional method of Medication (Health) ioh ba lai pat u Janmishaki Nongtdu naka skul Jaintia Higher Secondary School, Jowai halor ka sub- theme, ‘ Floating River cleaner LIFE (Lifestyle for environment).
