Rah ki samla pule NEHU ha ka jingiakop tyrkho National Inter-University

Ka kynhun ki samla pule ka skulbah NEHU ba kynthup ia ka samla Euvelin Suchiang bad u samla Toniho S. Kharsati na tnad Law kiba la rah ia ka nam lahduh ha ka jingiakop tyrkho ‘Sat Paul Mittal National Inter-University Debate Competition’ ha NEHU, Shillong kaba la pynlong ha 1 bad 2 tarik Lber, 2024  ha IAPPD Auditorium, New Delhi.Ka samla Euvelin Suchiang ka rah ruh ka khusnam ba-ar halor ka jingbit ban iakop tainia ryngkat kiwei ki samla pule ka ri.

Ia kane ka kynhun la ialam da u Dr. Chandrakanta na ka tnad Geography, kum nonghikai ban ialam ka kynhun ban pyni ia ka sap ka phong ban iakop bad ki kiwei ki samla pule ka ri. Ia ka Sat Paul Mittal National Inter-University Debate Competition la pynlong da ka Indian Association of Parliamentarians on Population and Development (IAPPD), New Delhi, halor ka thong ban pynshlur bad ban khwai ia ka sap ki samla pule

U Prof. Dr R. L. Nongkhlaw, ula pynpaw ka jingkmen halor kane ka jingjop ki samla pule bad ai khublei ia ka kynhun ba kin nangkiew shakhmat ha ki jingpule bad ka sap ka phong ha ki sngi ban wan. Kumjuh u Prof. Prabha Shankar Shukla, Vice-Chancellor of NEHU, ula pynpaw ka jingkmen halor kane ka jingjop ka samla Euvelin Suchiang, bad u Toniho S. Kharsati lem bad u Dr. Chandrakanta kiba la wanrah burom university bad ka jylla.