Ha ka result SSLC ba pynbna daka MBOSE hynne ka sngi arngut ki samla pule kila rah nam iaka Rilum Jaiñtia lyngba ka jingioh rung jong ki haka thup Top-20, kita kynthup ia u Dauniwan Sajem uba la ioh haka kyrdan 10th position naka skul Shangpung Presbyterian Higher Secondary School bad ka Hakiru Challam kaba la ioh haka kyrdan 16th position naka skul St.Mary Mazzarello’s Girls Higher Secondary School Jowai.Ka Hakiru Challam haba wan mih sha skul ban ai khublei iaki nonghikai kumjuh ki pra khynnah skul hadien bala tip iaka results kala kyntu ruh iaki khynnah skul ba kin long kiba trei shitom bad ban ym randien lada mad iaki jingeh haka jingiaid lynti. Hynrei dei ban shaniah ialade bad kynmaw ruh ia u Blei barabor. Na ka liang ka Principal jong ka skul St.Mary Mazzarello’s ruh ka Sister Theresa Phawa ka iathuh ba ia kane ka khynnah la don lypa ka jingkhmih lynti naduh ba ka sdang pule klass 10 bad ka iaroh ruh iaka jinglong smat jong ka ym tang haka pule hynrei ha kiwei pat ki kam jong ka skul.
Ha ka jingiakren bad u Dauniwan Sajem u ong ba ka jingpule naduh sdang snem ka iarap ban poi shaka thong bad ka jinglah jong u ban poi sha kane ka thong dei lyngba ka jingtrei shitom ha ryngkat ryngkat ka jingkyrshan bad ai mynsiem ka iing ka sem bad ki nonghikaiHa kajuh ka por ar ngut ki samla pule ka Rilum Jaiñtia kiba la ioh rung ha ka thup Top-10 jong ka result HSSLC Arts Stream ba la pynbna da ka MBOSE hynne ka sngi ba kynthup ia u Fredrique Gweneth Ryngkhlem ba la ioh ha ka kyrdan 7th position na ka skul North Liberty Higher Secondary School Jowai bad ka Monkynjailin Syngkon ba la ioh ha ka kyrdan 10th position na ka skul St.Dominic’s Higher Secondary School Mowkyndeng, ki la pynpaw ka jingkmen halor ka result ba ki la ioh namar kim shym poi pyrkhat ban poi haduh kane ka kyrdan. Haba iakren bad u Fredrique Gweneth Ryngkhlem u ong, ym donkam than ban pule kot bun kynta hynrei kaba donkam eh ai iaka por ba pura bad pynleit jingmut haba pule kot, nalor ban shah shkor bha iaki jingbatai ki nonghikai.
Ka Monkynjailin Syngkon ka ong wymdei ban pynlut por than tang haka pule kot hynrei dei ban shim bynta ruh ha kino kino ki jingiakop shabar ki saw kynroh ka skul khnang ban iar ka bor pyrkhat pyrdaiñ nalor ban trei shitom khnang ban poi shaka thong.Ka iathuh ruh ha kaba nyngkong mar ia past class 10 ka leit pule Science Stream daka jingthmu ban iakhun NEET, hynrei hadien ba kala shong class 12 ka sngewthuh ba kan ym lah ban lehbha ne poi shaka thong ba ka thmu kumta kala leit phai biang shaka skul barim ka St. Dominic’s ban sdang noh daka Arts Stream kumta mynta u snem kala ioh ban kheit ia u soh jingjop.Ka la pynkut iaka jingkren da kaba pynkynmaw iaka kyntien imsngi jong ka naka dkhot Bible kaba ong ” Nga lah ia kiei kiei baroh ha uta uba shanbor ianga” ha lade ruh ka shem kumta hi, ba nyngkong eh da kaba iai kynmaw ia u Blei ka sa lah ban lehbha beit ha kano kano ka kam ba ka leh. Na ka liang u Principal North Liberty u Richard Uriah, Principal ka St.Dominic’s Fr. Richard Louis Rapthap bad ki nonghikai kila pynsngaw ka jingkmen halor kane ka nam ka burom ba ka skul jong ki kala ioh.
