Ka Durex, kaba long kawei na ki kyrteng kompany ba paw bha kaba trei radbah na ka bynta ban wanrah ia ka koit ka khiah ha ka shongkha shongman, mynta ka sngew sarong ban iob ban pynbna ia ka jingiatreilang bad ka Outlook Magazine ban pynmih ia ki jingthoh kiba kyrpang na ka bynta ka Pride Month edition. La saindur ia kane ka sienjam hapoh jong ka Durex’s flagship, The Birds and Bees Talk (TBBT), ia kane ka sien pynmih jong kane ka magazine la pynwandur ia ka ban long kum ka jingrakhe bad ka jingkyrshan ia ka kynhun jong ka LGBTQIA+, kaba iahap ruh bad ka phang jong ka jingrakhe ia ka Pride Month mynta u snem, bad ka phang ka long, ‘Reflect. Empower. Unite.’ Kane ka sien pynmih ia ka Outlook Magazine ka long kaba kyrpang bad la pynmih ia ka ryngkat ka jingiatreilang bad ka Durex TBBT, bad kane kam long tang ka kum ka jingpynmih ia ka magazine kumba ju long. Ka long kum ka sakhi ia ka bor jong ka jingiathuh khana, ka jinghikai, bad ka jingkyrshan jong ka imlang sahlang khnang ba ka imlang sahlang kan long kaba pdiang ia baroh bad kaba sngewthuh bad shemphang. Da kaba rakhe ia ka jingjop bad ka jinglah ban sngewthuh shaphang ki jingeh jong ki kynhun ka LGBTQIA+, kane ka sienjam treikam ka pyni shisha ia ka jingmut jong ka jingrakhe ia une u bnai ba kyrpang ne Pride Month bad kata ka long ‘Reflect. Empower. Unite.’
Kane ka sienjam treikam ka long kum kawei na ki bynta ba kongsan bha ha kaba iadei bad ka jingnoh synniang sha ka imlang sahlang, da ka jingthmu ban wanrah ia ka jingpdiang lut ia baroh bad ban wanrah ia ka jingiakren kaba kongsan sahphang ka jingkoit jingkhiah ha ka liang ka shongkha shongman bad ka kha ka pun. La khot sngewbha ban pynbeit ia ka jingthoh ne edit da u Ravi Bhatnagar, Director jong ka External Affairs and Partnerships, SOA, Reckitt bad uba long ruh u nongioh ia ka khusnam Trans Allyship award ba la ai da ka National Human Rights Commission (NHRC), kane ka sien pynmih ia ka magazine kadon ia ki khana ba kyrpang bad ba ai mynsiem, ka jingpynsngew na ki riew shemphang, bad ki thup jingthoh kiba ai jinghikai khnang ba kin long kiba iahap bad ki nongpule bapher bapher.
Ka jingpynkup bor ia ki sur: Kane ka sien pynmih ia ka magazine ka wanrah ia ka rynsan kaba klain na ka bynta kito ki briew kiba paw bad kiba hap ha ka kynhun jong ka LGBTQIA+ kum u Sushant Divgikar, Alok Verma, Dutee Chand, bad Trinetra Haldar Gummaraju. Ki khana shaphang kumno ma ki ki ialeh ia ki dienpynkiang bad wanrah ia ka jingsngewthuh ba dei ban pdiang ia baroh ka long kaba ai mynsiem haduh katta katta bad ka jingthmu ka long ban pynkup bor ia ki nongpule da kaba pyni sha ki ia ka jingiaishah bad ka jingjop jong ka kynhun jong ka LGBTQIA+. Ka jingpynsngew na ki riew shemphang: Ha kane ka magazine la don ia ki column ba la thoh da ki riew pawkhmat lum u Arun Kumar Mishra, Chairperson ka National Human Rights Commission; Laxmi Narayan Tripathi, kaba long kawei na activist ne ka nongiakhun ha kaba iadei bad ka hok jong ki transgender ne kito kiba ithuh ia lade da kumwei pat ym kynthei ne shynrang; bad U Ashok Row Kavi, uba long uwei na ki nongthoh khubor bapaw bha. Kine ki jingthoh ba la noh synniang da kine ki nongthoh ki long kiba ngam jylliew bha shaduh sha ka tynrai, sha ka hok, bad ka jingiohi ne ka jingpyrkhat jong ka kynhun jong ki LGBTQIA+ ia ka imlang sahlang, bad ka wanrah ia ka jingsngewthuh ba kit jingmut kaba long kum ka jinghikai bad kaba pynlong ia ki briew ban pyrkhat.
