Ka Himalaya Wellness Company, kawei na ki kompany ba paw bha ha kaba iadei bad ka koit ka khiah, dang shen ka la pynbna halor ka jingjop jong ka ban thung haduh shi million tylli ki dieng ha kylleng ka India. Ia kane ka kam la leh ha ka rukom kaba kyrpang bha kata ba ia kine ki shi mikkion tylli ki dieng la thung da ki nongtrei jong ka Himalaya employees, kaba pyni ia ka dak jong ka jingkit khlieh ka kompany ia ka jingpynneh pynsah ia ka mariang.
Ki khlaw ki btab ki long kiba donkam bha na ka bynta ka koit ka khiah jong ka pyrthei, bad ka wanrah ia shibun ki jingmyntoi kum ka jingpynduna ia ka carbon, ka wanrah ia ka jingbiang ha ka jingshit jingkhriat ka sunbneng, ka lah ruh ban pynneh ia ki tyllong um, bad ka iada na ka jingshah rong ka khyndew. Ki khlaw ki tbah ki iarap ban pynneh pynsah ia ki jingthaw badon jiingim haduh kumba 80% bad kyrshan ruh ia kumba 350 million ngut ki briew da ka um bad da ki spah mariang. Hynrei, ka jinpynjulor ka long kaba shyrkhei ia kine ki jingim kiba don ha ka mei mariang bad ka pyntlot noh ruh ia ka jingiadei hapdeng ki jingthaw ba-im baroh.
Da ka jingiohi ia ka jingdonkam ba kyrkieh ban pynneh pynsah ia kine ka spah mariang kiba iadei bad ki jingthaw ba-im, khamtam ha ki jaka kiba bun jait ki jingthaw ba-im ki don, ka Himalaya Wellness Company ka la shim ia ki sienjam ban iada bad pynneh pynsah ia ki khlaw ki btah, Kum ka jingiaid ryngkast bad ka UNESCO kaba la iathuh ia ka Western Ghatskum kawei na ki jaka kaba ki ong ka biodiversity hotspot ha ka snem 2012 ne ka jaka kaba bun jait ki jingthaw ba-im , ka Himalaya ka la smai ban iada ia kane ka jaka kaba long ka spah jong ki jingim ba bun jait ryngkat ka seng treimon sngewbha bad ki nongshong shong ha kane ka jaka . Ki la shim ia shibun ki sienjam ban thung ia ki dieng ha kylleng ki bynta jong ka Western Ghats, da kaba thung haduh palat khyndai lak tylli ki dieng ban pynneh pynsah bad iada ia ka spah jong ki jingim ha kane ka thain. Tang ha Maharashtra, ka kompany ka la dep ban thung haduh phra lak tylli ki dieng kynthup oha g Lanja, Zapade, Salpe, Majal, bad Gavane ha Ratnagiri, bad ki dang iai bteng ruh ia kane ka kam wat shaduh sha Kolhapur, Solapur, bad Pune. Ha Karnataka, palat shi lak tylli ki dieng la dep ban thung ha ki jak aba kynthup ia ka Dharwad, Belagavi, Chikkaballapur, Bengaluru, Sirsi. Nalor kat, ka kompany ka la nang pyniar ia ki lad ki lynti ban pynneh pynsah ia ka mariang wat sha Meghalaya, da kaba thung haduh 30,000 tylli ki dieng kiba na kane ka jylla bad la thung ia ki ha ki lum jong ka Kyrdemkhla, Perkseh, bad Mawphlang.
Kane ka jingpyrshang ban thung dieng ka la long ka jingnoh synniang kaba khraw ia ka thain ha kaba iadei bad ka jingpynneh pynsah ia ki jingthaw ba don ha ka sawdong sawkun, kaba long ka jaka shong jaka sah ia ki jingthaw bapher bapher bad iarap ruh ban pynduna ia ka carbon. Katkum ki riewshemphang ha ka liang ka mariang, ka jingthung ia ki dieng ki sien ha kine ki jaka ka long kaba kongsan haduh katta katta na ka bynta ban wanrah ia ki lad ki lynti ban iada ia ka jingkylla ka mariang bad pynlong ruh ia ka sawdong sawkun ban lah ban shah ia kine ki jingkylla. Kine ki sienjam ki la iarap ruh ban iada na ka jingshah rong noh ka khyndew, kaba long kaba donkam bha na ka bynta ka jingkoit jingkhiah jong ka Western Ghats.
Haba kren shaphang ka jingjop, U KG Umesh, Director-Human Resources, Himalaya Wellness Company, u la iasam da kaba ong, “Ia ka jingpyrshang jong ka kompany la ioh ia ka jingkyrshan da ka jingisnohkti lang jong ki seng treimon sngewbha, ki shnat treikam sorkar bad kiwei kiwei ki kynhun. Kane ka jingiatehlok ka la nang iarap ban pynbha shuh shuh ia ka projek, kaba la iarap ia ngi ba ngin ioh ban iasam ia ki jingtip bad kiwei kiwei. Ka jingiashim bynta jong ki shngon ki thaw ka long kaba donkam ban pynlong ia kine ki sienjam kiba jop. Ki nongshong shnong bad ki dkhot jong ki seng treimon sngewbha ki la iashim bynta shitrhem, da kaba ki la ai ia ki jingtip kiba kongsan, bad wanrah ia ka jingsngew long trai. Kine ki sienjam treikam ki don ha ka bynta ba ha pdeng eh jong ka jingtreikam ka kompany ‘‘Care for Life,’ ne ka ‘jingsumar ia ka jingim’ kaba la kynthup hangne ia ka jingangnud ne ka jingiohi jong ka kompany bad kata ka long ‘Wellness in every Home and Happiness in every Heart’ ne ‘ka jingkoit jingkhiah ha man la ki iing bad ka jingkmen ha man la ki dohnut’. Ha ka Himalaya, ngi ngeit skhem ba ki dawai bad kiwei kiwei ba ki shna kiba iarap ia ki briew kidei ruh ban iarap ia ka pyrthei.”
Ka India ka don lai na ki 34 tylli ki biodiversity hotspots ha ka pyrthei”—ka Western Ghats, ka Eastern Himalayas, bad ka Indo-Burma region—baroh kine iwei pa iwei ki don la ki jong ki jingthaw ba kyrpang hynrei ki don pat hapdeng ka jingma. Ka jingjulor sted jong kine ki jaka ka donkam kyrkieh ia ki jingiada khnang bay n lah ban iada ia ki jingthaw ba-im bad ki spahmariang kiba pher bad kyrpang. Ka jinglong ba kyrpang jong kane ka thymmei ne ka shlem jong ki jingthaw ba-im ka shong eh ha ka jingpynneh pynsah bad iarap ia ki nongshong shnong ia jingdonkam bad ai ki jingshakri kiba iadei bad ka mariang.
U Lt. Cdr. Deokant Payasi (Retd.), CEO and Trustee – SayTrees Environmental Trust, u la pynpaw, “Ka jingmyntoi jong kane ka jingiatehlok jong ngi bad ka Himalaya ha kine ki saw snem ka la long kaba khraw haduh katta kata. Kane ka sienjam kaba phai khmat sha ki shnong ki thaw, ym tangba ka la nang pynbun ia ka jingdon jong ki dieng ki siej na ka bynta ka shnong ka thaw hynrei ka la iarap ruh ban wanrah ia ka jingpynduna ia ki jingban khia ha ka jinglong jingman ka sawdong sawkun ha ki khlaw ba rben. Da kaba iarap ban pynlong ia ka jingpyndonkam ia ka jaka kaba iaineh, kane ka jingiatehlok ka pyni shisha ia ka jingtrei ba radbah ban wanrah ka jingiabiang lang hapdeng ka jingdonkam jong ki briew bad ka mariang.”
