Ka Raj Bhavan, Shillong ryngkat ka jingiatreilang ka tnat Arts and Culture ka jylla bad ka Indian Council for Cultural Relations (ICCR) Shillong, ki la pynlong ia ka prokram shad tynrai ban rakhe ia ka jingioh jylla ba 64 jong ka Maharashtra bad Gujarat. Ia ka jingialang la plie da u Lat ka jylla u Phagu Chauhan kum u kongsan ryngkat ka jingdonlang u Principal Secretary jong u Lat u Harish Chandra Chaudhary bad kiwei ki heh ki hain.
Ha kane ka cultural prokram la ioh ia ka jingtem tynrai, shad tynrai da ki kynhun na kitei jylla ba pyni ia ka spah jinglong tynrai naduh ki longshwa na jylla Maharashtra bad Gujarat. Ki nongshim bynta ki la pyninam ia ki jingbam tynrai na kitei ar tylli ki jylla. Ha kane ka sngi u Lat ka Gujarat, u Acharya Devvrat ula phah ia ka ‘video message’ ba la pyni paidbah ban ai mynsiem ia ki nongshim bynta bynta ha ka jingialang.
Ia kane ka prokram la pynlong kum shi bynta ka ‘Ek Bharat Shreshtha Bharat’ ban wanrah ia ka jingiajan bad sngewthuh jingmut hapdeng ki briew na ki jylla bapher bapher bad Union Territory.
