Rakhe ka MBS&G ia ka sngi kha u nongseng

Ka Meghalaya Bharat Scouts and Guides (MBS&G) hynne ka sngi kala rakhe ia ka Founder’s Day bad World Thinking Day, da kaba pynlong ia ka jingialang ha ka ophis treikam La pynlong ia kane ka prokram kadei ban shi bynta ban rakhe ia ka lyngkhuh sngikha jongu Nongseng ka Scouts and Guides u Lord Baden Powell bad ka kurim ka jongu ka Lady Baden Powell badia kane ka jingrakhe la pynlong halor ka mat “Our World¬ Our Thriving Future: The Environment and Global Poverty.

Ka Joint State Secretary Kong T. K. Bamon kum ka Kongsan kala banjur ba kum ki dkhot jongki Scouts & Guides ka long kaba donkam ban shim ia ki sienjam na ka bynta ban pynneh pynsah bad ban iada ia ka mariang ha kylleng satlak ka pyrthei na ka bynta ki pateng kiban dang wan.

Ka Kong M. Lyngdoh Asst. State Training Commissioner (Guides) kala long ka kum ka kongsan symbud ha kaba la iadonlang ki nongialam bad ki dkhot jong ka MBS&G. Ha katei ka prokram la lum ruh ia u synniang jongka “World Thinking Day Fund” bad ia ka pisa kaba la iohlum yn sa phah sha ka National Headquarter, New Delhi bad katei ka pisa kan poi sha ka WAGGGS (World Association of Girl Guides and Girl Scouts).