Ka Toyota Kirloskar Motor (TKM) ka la pyntip ba la sdang ia ka ‘Toyota Environment Month’, kaba long ka jingrakhe ba kyrpang ia une u bnai (Jylliew 2024) baroh shibnai ban nang pynsngewthuh shuh shuh ia ki paidbah ban long kiba kit khlieh ia ka mariang bad pynlong ia ka mariang ba jyrngam, bad kaba iaineh na ka bynta ka lawei ban wan. Ka Toyota ka phai khmat sha ki kam ban pynbha ia ka mariang sawdong sawkum lyngba ki sienjam treikam jong ka kum ka Toyota Environmental Challenge 2050 bad ka phang jong ka ka long “Unite for Responsible Resource Consumption towards becoming Global No.1,” ha kaba ka jingtreikam ka long ban wanrah ki sienjam treikam kumno ban sumar bad pynneh pynsah ia ka um ka wah bad ia ka mariang lyngba ka jingthung dieng.
Ka phang pdeng jong ka jingrakhe ia ka United Nations Environment Programme (UNEP) World Environment Day 2024 ka ban halor ka phang kaba iadei bad ka jingpynneh pynsah ia ki khyndew ka jingdonkam ban pynneh pynsah ia ki jaka ne Land Restoration, ka jingiada na ka jingkylla dew shyiap ka jaka ne Desertification, bad ban ialeh ia ka jingtyrkhong um ne Drought Resilience, da kaba nang pynkhraw ia ka jingpyrta “Our Land, Our Future. We are #GenerationRestoration”. Ka Toyota ka kylla na ka kompany sha ka mobility company ne ka kompany kaba shna ia ki kali da kaba buh ia ki kor ki bor teknonlogy, ban wanrah ia ki sienjam treikam kiba iaineh. Ha ka snem 2015, ka Toyota ka pynbna ia ka ‘Toyota Environmental Challenge 2050’ (TEC 2050), kaba kynthup ia ki hynriew tylli ki jingeh ba ka mariang ka iakynduh. Ki lai tylli ki phang ba ha khmat ki long ban pynduna ia ka jingpynmih ia ka carbon na ki kali ba ki shna ne kino kino ki mar ki mat aba ki shna.
Katba ki lai tylli ki bynta kiba dang sah ki long ban pynduna ia ka rukom pyndonkam um, ban ialeh kumno ban pyndonkam biang ia ka um ba la dep pyndonkam, bad pynlong ia ka imlang sahlang kaba lah ban ia im ryngkat hapdeng ka jingsuk bad ka mariang ha ka lawei ban wa. U B. Padmanabha, Executive Vice President & Director of Manufacturing – Toyota Kirloskar Motor, u ong, “Ha ka Toyota Kirloskar Motor, ngi sngewthuh bad tip ba ka jingpynneh pynsah ia ka mariang bad ka imlang sahlang ka long kaba kongsan kum ba long ka jingkiew ha ka ioh ka kot. Ngi long kiba trei radbah ban leh eiei na ka bynta kine ki hynriew tylli ki jingeh ba ka mariang ka iakynduh ha kaba ka Toyota ka pyrshang ban wanrah ia ki sienjam treikam na ka bynta ban ialeh pyrshah ia ki ha ka pyrthei baroh kawei “.
