Ka Raid Laban Sports Social and Cultural Organization hynne ka sngi kala pynlong ka jingpynkupburom lane ka 21 Meritorious Award 2024 ha U Soso Tham ha State Central Library. Ha kane ka sngi u Chief Secretary (CS) ka Jylla u Bah DP Wahlang bad u MLA u Bah Sanbor Shullai ki la pynkup burom ia ki 256 ngut ki samla pule jong ka South Shillong constituency hynne ka sngi. Mynta u snem ia ka jingpynkup burom la phiah ha ki 28 tylli ki thup (Caregory) bad napdeng ki 256 ngut, 74 ngut ki samla pule ki dei kiba wan shakhmat eh (First Division) ha ki jingpule kiba ioh laptop. Ka jingpynkupburom ka dei ruh naka bynta kito ki samla pule kiba wan naki longiing baduk, kiba duna dkhot met hynrei kila leh bha haki eksamin bapher bapher.
Haba kren shavki lad pathai khubor u Bah Sanbor Shullai u la iathuh ba ka jinglut kam duna iaka T.30 lak lyngba ka skhim Special Urban Works Programme (SUWP) lyngba ka jingkyrshan ki dkhot ka Organization bad ki paralok ban thied iaki khusnam, ki Momentos bad kiwei kiwei ki jingai sngewbha iaki samla pule. U Bah Sanbor u la ong ba kane kadei ka sien kaba 21 ba kum u MLA u la lah ban pynkupburom iaki samla ba pass bha haki eksamin bad kumjuh ruh kito kiba la trei shitom ban pass iala ki eksamin.
“Mynta ka kynti, ym tang ngi pynkupburom iaki ba pass bha iaki eksamin hynrei ngi la pynkupburom ruh ia kito kiba samla pule kiba la trei shitom khamtam kito kiba wan naki longiing ba duk bad kiba dkhot me” la ong u Bah Sanbor.
