Sam song pisa u MR ia 120 tylli ki kynhun SHG

U Myntri Rangbah ka Jylla u Conrad K Sangma ula sam da ki Cheque song pisa sha ki 120 tylli ki kynhun Self Help Group (SHG) bad sha kito kiba ioh jingmyntoi na ka skhim Pradhan Mantri Krishi Sinchayee Yojana (PMKSY Watershed Development Component 2.0).  Ha kane ka sngi la don lang kiwei ki Myntri Sorkar ba kynthup ka Kong Ampareen Lyngdoh bad u Bah Comingone Ymbon haka jingdon lang ki heh ophisar ka Sorkar bad ki riewpaidbah.

Haba kren ha kane ka sngi, u Conrad ula ong ka jingpynkhlain iaki SHG naduh ki shnong haki thain kyndong kala pynlong iaka Meghalaya kum ka Jylla kaba kiew bha ha baroh kawei ka Ri ban pyntreikam iaka skhim PMKSY WDC. U Conrad ula ong ba ka Jylla ka shah kyrkhu ka jingdon ki marpoh khyndew hynrei ka don ki jyrwit jyrwat ban pyntreikam iaka um ban pyndonkam naka bynta ka bha ka miat ki paidbah bad ka Jylla baroh kawei.

“Namar kane, ki tnat treikam Sorkar kila sdang ban wad ki lad lynti ban pyntreikam iaki Project hapoh ka PMKSY WDC 2.0, kum shi bynta ban pynitynnad iaki jaka bad ki wah daka ba tei iaki check dams, ponds, bunds, tanks, ban thung dieng, ban rep ki jait mar rep” la ong u Conrad.U Conrad ula ong ruh ba kane jingpyntrei iaki project hapoh ka skhim PMKSY WDC 2.0 kan wanrah ruh ban kyntiew iaka ioh ka kot ki paidbah nong shong shnong. Ha kane ka sngi, u Myntri Rangbah u kyntu iaki SHG ban pyndonkam hok iaka song pisa ban pyntreikam iaki skhim kiba hap hapoh ka PMKSY WDC 2.0.