Ka El Elyon Institute kaba dei kawei naki Shlem ai jinghikai sha ki khun samla jong ka them Ribhoi, mynta ka sngi lyngba ka tnad treikam jong ka ba la tip kum ka El Elyon Institute Farming Department ka la ïoh ban sam ïaki tiar sha ki 30 ngut ki Longkmie bad Rangbah kiba la pyndep ïaka jingshah hikai haka Agro base food prossecing ba la pynlong ha u bnai Naiwieng 2023 haduh u bnai Kyllalyngkot 2024 kaba la pynlong daka El Elyon Institute Farming Department lyngba ka jingkyrshan daka Meghalaya State Skill Development Society (MSSDS) Jong ka sorkar jylla.
Ka jingthmu ban sam ïa kitei ki tiar sha kitei ki 30 ngut kiba la pyndep ïaka jingshah ai jinghikai ka kum ka jingïarap sha ki ba kin ïoh ban sdang ïaki kam jong ki hadien ba ki la dep ban pyntriem ïa lade.
Hadien ba kitei ki 30 ngut ki la dep ban pyntriem ïalade haka kam shaiñ soh naka liang ka Tnad Horticulture Ribhoi District kan sa phai khmat sha kitei ki 30 ngut ban pynpoi ïaki jingïarap bapher bapher sha ki, khnang ba kin nang ïoh mynsiem ban sdang ïeng ha la ki jong ki kjat dakaba pynkhraw ïaka kam kaba ki la dep shah pyntriem.
Ha kane ka sngi la wan ban sam ïa kitei ki tiar da u District Horticulture Ophisar jong ka Ribhoi, haka jingïadon lang ka Junior rural development Ophisar Umling Block, Skill Development ophisar Ribhoi district lem bad kiwei kiwei.
Haba kren ha katei ka jingïalang, naka liang u District Horticulture Ophisar, u la ong ba ha kane ka juk mynta, ngim dei ban khmih lynti than naki kam sorkar, hynrei ngi dei ban ïeng ha ki kjat la jong bad ngi dei ban pyrshang ban sdang kino kino ki kam kam pher la ka dei kaba rit ne kaba heh.
U la ai ka jingïaroh ïa baroh 30 ngut kiba la pyndep ban shah ai jinghikai halor kumno ban shna umsoh bad shna Mit mit naki soh. U la ong ruh ba naka liang ka sorkar ka ju ïarap ban kyntiew ïakino kino ki riew shimet kiba pyrshang ban sdang ïaki kam la jong.
U la kyntu ruh ïaki ba kim dei ban Pynleh nohei ïa kapor ba phi la pynlut ha kipor training, hynrei ngi dei bam pyndonkam hok ïa kaei kaba la shah hikai da kaba sdang noh ban seng ïa ka kam bad ban nang pyn khraw ruh ïaka suki suki.
