U Bah Mayralborn Syiem MLA ka Nongpoh, u la ai khublei ïa ka Kong Bindas Syiem ka longkmie naka them Ribhoi kaba la shim ïa kane ka mat ban dawa ïoh noh ïa u surok bad kumjuh ruh ïaki paidbah kiba la leit ban ai mynsiem ïaka Kong B Syiem halor ka jingshah thngan ka jong ka. Ha kajuh kapor u MLA ka nongpoh u bah Mayralborn Syiem u la Kyrpad ïaka Kong Bindas Syiem ba kan sangeh noh ïaka jingshah thngan jong ka bad ba kan pdiang ïaka jingpynbeit kaba dang ïaid shakhmat.
U bah Mayralborn Syiem haba kren sha ki lad pathai khobor mynta ka sngi, u la ïathuh ba kane ka jingkwah jong u paidbah ban ïohnoh ïa u surok Nongpoh, Umden, Sonapur kaba don kumba 58 kilometre eiei, ba naka liang jong u, u dang ïai buddien haduh kine ki sngi kiba mynta bad ban ïaleh ban pyn urlong noh kloi ïa ka kumba la angnud da ki paidbah la bun bun snem.
Halor ka jingshah thngan ka Kong Bindas Syiem, u bah Mayralborn u la ong ba u la ïa kren bad ka bad Kyrpad ruh ïaka ba kan sangeh noh ïaka jingshah thngan, bad naka liang ka Kong Bindas Syiem ka la ong ba kan sangeh tad haduh da ïoh ïaka jingthoh.
U Bah Mayralborn u la ïathuh ba u la dep ban kren ïa u Secretary jong ka PDW, ïa u Chief Engineer lem bad ïa u Myntri ba dei peit ïa ka kam surok ban ai ïaki kot ki sla (Status Report)ban aiti sha ka Kong Bindas Syiem, Bad naka liang u Bah Mayralborn kum u nongmihkhat u la kyntu ïa ka Kong Bindas ba kan sangeh noh shwa ïaka jingshah thang ban ban pdiang ïaka jingïa pynbeit namar ba ngi donkam ïaka jingiatrei lang.
