Ka Party Prah ne Voice of the People Party (VPP) ka la sar lut na baroh lai tylli ki Constituency ha West Khasi Hills District ba kynthup ia ka 32- Nongstoin Assembly Constituency, Ka 33- Rambrai Jyrngam AC bad ka 34- Mawshynrut Assembly Constituency katba ka Congress ka la wan ba ar bad ka NPP pat ka la wan balai.
Katkum ka jingkhein na ki EVM machine, ka VPP ka la ioh ban khur haduh 21984 vote na Nongstoin da kaba tam haduh 15503 ia ka Congress kaba don ia u sitting MLA Bah Gabriel Wahlang kaba la ioh tang 6481, bad ka NPP pat ka ioh tang 4895.Ha Mawshynrut Assembly Constituency pat ka VPP ka la ioh 11769 da kaba tam haduh 2330 votes ia ka Congress kaba la ioh 9439 bad ka NPP pat ka ioh 6293.
Ha Rambrai Jyrngam AC, ka VPP ka la ioh 12295 bad ka la tam tang 1092 vote ia ka Congress kaba la ioh haduh 11203 bad ka NPP pat ka ioh tang 4539. La sakhi ruh ba ki paidbah nongkyrshan ka VPP ki la iamih ban iashad kmen kum ka dak ban lehkmen ia ka jingjop jong u kyrtong ka party na ki lai tylli ki Constituency ka West Khasi Hills District bad ki la pynlong ruh ia ka jingialang ai khublei hajan NRL Petrol Pump Nongstoin.
