Ka jingtih maw bad khyndew be-ain hapoh hima jirang, Ri Bhoi District ka la sdang biang ha ki thain khappud Assam wat hapdeng ka jingkhang ki bor sorkar bad ka NGT na ka daw ka jingjulor bad ka jingjot ka mariang. Ka khubor ka iathuh ka jingtih khyndew be-ain ka dei ba la trei hi da ki katto katne ki dkhar na Assam kynthup uwei ba la ithuh kyrteng u Galok Ali khlem ka jingtip ki trai jaka ne ki bor hima bad katei jingtih tuh ia ka khyndew na Meghalaya ka dei ha ki thain Iew Mawrohrim ha khappud Assam. La kynnoh ka tnad khlaw Assam ka shim T.3000 shisngi kawei ka trok bad ki pulit Assam T.2000 kawei ka trok shi sngi ban kit khyndew sha Assam na bynta ban pyndap ia ki jaka ba donkam ha Assam.
La iathuh katei ka kynhun ka juh shang da ka kali ha ki lad ha katei ka thain ioh don ki briew nab or sorkar na jylla kiba wan khnang ioh ban pyntip ia ki nongtrei ban lait na ki jingshah kynnoh ha ki bor ka ain na Jylla Meghalaya. Kum ban pynpaw ha Rani Jirang ka don ka ophis jong ka tnad khlaw bad ki pulit na jylla Meghalaya, hynrei la iathuh ki shem jingeh ban tehlakam ia katei ka kam buit tuh ki dkhar ban tih khyndew na ki lum ha Meghalaya namar ki wan ha ka por bym don briew bad mynmiet.
Ki bor hima ki dei ban leh tyngeh ia kine ki dkhar ba ju wan khlong tuh ia ki maw ka khyndew napoh ka hima Jirang ban bam ei khlem khlem ka jingtip ki trai jaka bad ki dei ban pyrkhing ban ai jaka ne pata ia ki briew lada kim lah ban trei hi namar kiba ioh kamai ki dei ki dkhar naduh ki snem ba la dep.
