Ka sorkar Meghalaya hynne ka sngi ka la pynbna ban sdang ia ka Easy Lottery.In, ka Lottery banyngkong ha ka Ri India kaba long Digital ha ka jingdonlang u Myntri Rangbah ka jylla u Conrad K Sangma, u Commissioner & Secretary – ERTS u Pravin Bakshi, ka Director jongka Meghalaya State Lottery ka M.S.N. Marak bad kiwei kiwei. Ka website https://easylottery.in/ la pyni live ha kane ka sngi ha kaba u nongjop uba nyngkong eh yn ioh ia ka khusnam T.50 klur, ka Easy Lottery.in ka kular ban long ka jingkylla ha ka liang ka jingïalehkai lottery ba khuid kaba kynthup naduh ka jingthied ia ki tiket haduh ka jingai khusnam da ka pisa. U Conrad Sangma ula ïaroh ïa kane ka jingpyrshang ban wanrah ïa ka jingtreikam kaba khuid ba suba bad ka jingtreikam kaba kham tbit ha kaba iadei bad ka lottery da kaba pyndonkam ia ka kor digital bad ula pynpaw ruh ba ka lottery ka dei tang ka jingïalehkai kaba dei ka nusib, ka lad digital kaba khuid ba suba kum ka EasyLottery ka ailad ïa ki riewshimet bad ia ka imlang sahlang ban ïoh jingmyntoi.U la ong, ba bun ki nong India mynta kila duh noh ia ka por ba kordor jongki ha ki jingialehkai Online Games bad ki jingiathong kiba be-ain kiba la shna khnang ban pynkyrni ia ki nongialehkai. Kumta ka jinglong jingman kaba khlem pynthut ia ka jingsngewtynnad bad jingmyntoi ia ka imlang sahlang bad ula pynthikna ba ka EasyLottery kadei kaba la pynwandur ban pynlong bad ban ym pynpra. Haba phi jop ia ka khusnam, phi lah ban ioh jingmyntoi na ka bad lada phi rem, ia ki khajna kaba la siew la bet biang sha ka imlang sahlang bad ka ri ruh ka ioh jingmyntoi.
Katba u Pravi nBakshi ula ong “Da ka EasyLottery, ngi pynleit jingmut ha ki lai tylli ki bynta ka jingshaniah, ka jinglong khuid long suba bad ka jinglong bym be-ain. Ngi wanrah sha ki paidbah jong ka ri hadien ka jingwad bniah kaba la leh bniah bad ngam jylliew bha. Kane ka rynsan kaba thymmai, kan pynkylla dur ia ka rukom ialehkai lottery hapoh ka ri India bad kan pynduh noh ruh ia kano kano ka jait jingleh thok ne jingpyniaid thok ia ka pisa kaba iadei bad ka kam lotter”.Ula ong, ba ka EasyLottery kan buh hakhmat eh ïa ka imlang sahlang bad ki paidbah ki jongka, khlem da pynduh ïa ka bynta jongka sngewtynnad na ka bynta ki nongieid ban ialehkai lottery bad ki jingmyntoi na ka bynta ka sorkar. Ka M.S.N. Marak kala ong, “Watla ka don ïa ka jingbun briew kaba heh kum ka jong ngi bad ka dei kawei na ki ri kaba khlain ha ka jingpyndonkam ia ki kor teknoloji ha ka pyrthei, ka ri India kadei pat kaba duna ha ka jingpaw jong ka lottery haduh mynta. Kumta da ka jingpynmih iaka EasyLottery, ngi pyrshang ban pyndap ia katei ka jingduna.
Ka la ong ba ka jingdie tiket, ka jingsiew ia ka khusnam bad ka jingsiew khajna yn leh da ka Digital hynrei tang kawei ka bynta kata ban leh ia ka jingpynkhalai nusib yn ym leh da ka digital bad kane kadei namar ba kila jied ban pyndonkam ïa ka rukom kaba lah ban shaniah bad kaba khuid ba suba, ia kaba yn pyndonkam da ki motor ha kaba ym lah ban leh thok da ka mashin bad kumta ki jingmih na ka jingpynkhalai kan shong beit ha ka nusib. Ka EasyLottery kan don ka lad kaba bun tam ban jop ia ki khusnam kiba heh ki bapher bapher kaba kynthup ia ka khusnam ba wan nyngkong kaba long T.50,00,00,000/-, kaba dei ka khusnam kaba heh tam ha ka histori jong ki lottery ha ka ri India. Kawei pa kawei ka tiket ka shong dor 5,000/-… kaba long kham duna shibun ban ia ki lottery ha ki ri bapher bapher.
