Ka ophis jong ka Directorate of Health Services (MCH&FW), Meghalaya ryngkat ka jingiatreilang bad ophis u District Medical & Health Officer, East Khasi Hills District hynnin ka sngi ki la pynlong ia ka prokram ban ai dawai wieh ia ki khyllung ba la tip kum ‘State Launch of National Deworming Day’ ha Tirot Sing Memorial Hr. Secondary School, Mawkdok kaba hap hapoh Sohra Civil Sub Division.
Ka jingthmu jong kane ka prokram ban ai dawai ia baroh ki khyllung ban peit na ka jingpang wieh bad ia ki khynnah skul hapoh 1-19 snem ka rta ki ioh ki jingbam tei met katkum ka jingmang ka sorkar lyngba ki aganwadi ban ioh ia ka jingkoit jingkhiah bad kumjuh kin ioh ia ka jingnang jingstad ha ki jingpule ha skul.
Ha kane ka sngi ka Dr. B. Mawlong, Jt. Director of Health Services (MCH&FW) Cum SNO- Child Health ka la long ka kongsan ha ka jingdon kiwei ki ophisar bad ki khynnah skul.
