Ka All India Congress Committee mynta ka sngi ka la pynbna ia u Jingjang M Marak kum u kyrtong ban iakhun ha ka ilekshon shiteng samoi na Gambegre. Ka ilekshon shiteng samoi ha Gambegre kan long ha ka 13 tarik u Naiwieng, 2024. U General Secretary ka AICC u KC Venugopal ula ong u President ka Congres u Mallikarjun Kharge ula mynjur ia ka kyrteng ba la tyrwa da ki nongialam ka party bad la rai ban pyniakhun ia u Jingjang M Marak na katei ka konstitwensi.
Lah ban kdew ba ka ilekshon shiteng samoi ha Gambegre Konstiwensi la pynlong hadien ba u Saleng A Sangma u la risain noh na ka jinglong kum u MLA ka konstiwensi hadien ba u la shah jied kum u MP Lok Sabha na Tura Konstiwensi.
Ha kajuh ka por ka AICC ka la pynbna ruh ia ka Kyrteng u Ravindra Visantrao Chavao uban iakhun na Nanded konstiwensi kaba hap ha Marashtra.
