Ka kynhun pyllait im ka State Disaster Response Force (SDRF) hynne ka sngi saitjaiñ, ka la ioh sei ia ka metiap jong uwei u Heprit uba la ngam jyllop ha ka wah Umiam ha ka shnong Nonglum Mawiong, Ri Bhoi District. U Public Relations Officer (PRO) jongka Directorate of Civil Defence & Home Guards u Bah PH Shylla ula iathuh, hadien ba ki bor pyniaid district jong ka East Khasi Hills ki la ioh ia ka jingkyrpad
na ka tnat pulit jong ka Ri Bhoi hynnin ka miet, kumta ka SDRF kala leit ban pynlong ia ka jingwad ia katei ka met jong u heprit hynne ha ka por 10:30 mynstep. Ka kynhun jong ka SDRF hapoh ka jingialam u Inspector Transly Tynsong kila lap ia katei ka met jong u heprit uba la ngam jyllop ha ka por 10:45 mynstep bad la ngeit ba katei ka met kadei jongu Biki Makri 10 snem ka rta, uba dei u khun jong ka Kong Jantilin Makri kiba na ka shnong Nonglum Mawiong, Ri Bhoi District.
Ia katei ka metiap la aiti noh sha ki pulit bad ki bahaiing bahasem jong une u heprit uba la khlad noh.
