Ka Khasi Hills Autonomous District Council (KHADC) haduh mynta kam pat lah ban plie ban pyntreikam ia ka jaka sumar dawai kynbat khasi ka Khasi Traditional Medicine Institute (KTMI) kaba don ha Lum Sohpetbneng Ri- Bhoi. Ia kane ka jaka sumar ka KHADC ka la tei na ka pisa ka Tribal Affairs ka sorkar India ha ka jinglut kaba T.5.77 klur. Ha ka jingshisha, ka Khasi Hills Autonomous District Council (KHADC) ka la buh thong ban pyndep ia kane ka jingtei bad ban plie ha u snem 2020 hynrei haduh mynta khlem pat dep satia. Ha ka jingiaid lynti ban peit ia katei ka jaka sumar Khasi, la iohi ba ka iit na khyrdop ka la shah pynpait bad ka phyllaw ka dang sop niut na ka jingbym pat plie bad ban pyntreikam ia ka.
U CEM ba mynta ka KHADC u bah Pyniaid Sing Syiem ula pyntip kham mynshwa ba yn plie noh ia kane ka jaka sumar Khasi namar ba ka jingshna ka la jan dep lut baroh. Ka KHADC ka la thaw ia ka Khasi Hills Autonomous District (Protection and Promotion of Khasi Traditional Medicine) Act, 2011 ban ithuh ia ki nongsumar Khasi katkum ka ain khnang ba kin lah ban sumar bad haduh mynta ki don kumba 1200 ngut ki nongsumar Khasi kiba la aplai ban ithuh ne ioh syrnod hynrei ki don 57 ngut kiba la sam syrnot doctor ne nongsumar ka KHADC. Kum ka jingsdang ka Council, ka la buh thong ban pdiang shwa tang kumba 20 ngut ki nongpang bad hadien kane pat kin sa peit. Ha kane ka jaka sumar kan dei beit da ka jingsumar tynrai bad ki nongsumar lane ki doktor kidei kiba la tbit ha katei ka laiñ ai dawai bad sumar tynrai.
Ka Council ka la thaw ruh ia ka Khasi Traditional Medicine Commission (KTMC) na bynta kane ka jingthmu. U CEM ka KHADC ula pyntip ba ka Council kala ai ban pyniaid ha ka Center of Learning, Knowledge and Services (COLKS) ia kane ka jaka sumar.Ka Khasi Hills Autonomous District Council (KHADC) haduh mynta kam pat lah ban plie ban pyntreikam ia ka jaka sumar dawai kynbat khasi ka Khasi Traditional Medicine Institute (KTMI) kaba don ha Lum Sohpetbneng Ri- Bhoi. Ia kane ka jaka sumar ka KHADC ka la tei na ka pisa ka Tribal Affairs ka sorkar India ha ka jinglut kaba T.5.77 klur. Ha ka jingshisha, ka Khasi Hills Autonomous District Council (KHADC) ka la buh thong ban pyndep ia kane ka jingtei bad ban plie ha u snem 2020 hynrei haduh mynta khlem pat dep satia. Ha ka jingiaid lynti ban peit ia katei ka jaka sumar Khasi, la iohi ba ka iit na khyrdop ka la shah pynpait bad ka phyllaw ka dang sop niut na ka jingbym pat plie bad ban pyntreikam ia ka.
U CEM ba mynta ka KHADC u bah Pyniaid Sing Syiem ula pyntip kham mynshwa ba yn plie noh ia kane ka jaka sumar Khasi namar ba ka jingshna ka la jan dep lut baroh. Ka KHADC ka la thaw ia ka Khasi Hills Autonomous District (Protection and Promotion of Khasi Traditional Medicine) Act, 2011 ban ithuh ia ki nongsumar Khasi katkum ka ain khnang ba kin lah ban sumar bad haduh mynta ki don kumba 1200 ngut ki nongsumar Khasi kiba la aplai ban ithuh ne ioh syrnod hynrei ki don 57 ngut kiba la sam syrnot doctor ne nongsumar ka KHADC. Kum ka jingsdang ka Council, ka la buh thong ban pdiang shwa tang kumba 20 ngut ki nongpang bad hadien kane pat kin sa peit. Ha kane ka jaka sumar kan dei beit da ka jingsumar tynrai bad ki nongsumar lane ki doktor kidei kiba la tbit ha katei ka laiñ ai dawai bad sumar tynrai.
Ka Council ka la thaw ruh ia ka Khasi Traditional Medicine Commission (KTMC) na bynta kane ka jingthmu. U CEM ka KHADC ula pyntip ba ka Council kala ai ban pyniaid ha ka Center of Learning, Knowledge and Services (COLKS) ia kane ka jaka sumar.
