Ki pulit ka East Khasi Hills ki la ioh bat ia 1788 tylli ki kali ba tah iit iong naduh 1 tarik Naitung haduh mynta u bnai Nailur 2024, ki pulit ka East Khasi Hills ki la ioh bat ia ki 1788 tylli ki kali ki ba tah iit iong. Kane ka jingbat ki Pulit ia ki kali tah iit iong ka dei kum shibynta ban pyntreikam ia ka hukum jong ka iingbishar ba khlieh duh ka Ri India ka Supreme Court Writ Petition (Civil) No. 265 jong u snem 2011, kaba la khang pyrshah ban tah iit iong.
Haba ia dei bad kane ka tnat Shillong Traffic Police (STP) naduh 1 tarik Naitung haduh 6 tarik Nailur ka la ioh bat 1788 tylli ki kali ba tah iit iong. Nalor kane ki pulit kila ioh lum ruh T.13,35,000 lak kum ka kuna ba dain ia ki kali kiba pynkhien ia ka ain MV Act.
Haba pynthikna ia kane u Superintendent of Police (SP) ka East Khasi Hills u Bah Sylvester Nongtnger u la iathuh ruh ba napdeng ki 1788 tylli ki kali ba shah bat, ki don ruh 30 tylli ki kali Sorkar kiba shah bat bad shah dain kuna.
