Ki shipai iada khappud Border Security Force (BSF) kila ioh kem ia uwei u nongkhaii shini be-ain sha Bangladesh na khappud ka East Khasi Hills District.
Ka kyrwoh naka BSF ka iathuh ba ha ka jingkhynra ba pynlong haka 20 tarik mynta u bnai, ki shipai BSF kila ioh pynpulom ia ka jingkhaii shini beain na khappud ka East Khasi Hills. Ha kane ka jingkhynra, ki BSF kila ioh ban kurup ia kawei ka kali Mahindra Pickup kaba la thep da ka shini ba thmu khaii sha Bangladesh.
Ia u briew bala kem bad ia ka shini ba ioh kurup, ki BSF kila aiti noh sha ki Pulit ka Pynursla Police Station, East Khasi Hills ban leh ia kaba donkam.
