Shah kem 2 ngut ki nongkhaii drok na Thembasuk

Ki kynhun Anti Narcotics Task Force (ANTF) jong ka East Khasi Hills hapoh ka jingialam u bah Sandra Nongdhar, hadien ki la ioh jingtip ba thikna na ki bor syntiat ba don ki nongkhaii drok ba wan ha nongbah Shillong ki la pynlong ka jingap ktem ha kaba ki la ioh kem 2 ngut ki briew na Thembasuk ba hap hapoh Madanriting Police Station, na kitei ar ngut la ioh kurup 11 tylli ki synduk sabon ba thep drok ba khia 139.98 gram.

Ki ar ngut ba shah kem la ithuh kyrteng u Joshua Khiangte Tripura 36 snem na Aizawl, Mizoram. Uba sah mynta ha Damchhara, Tripura bad u Joel Tripura 29 snem na Kachharichara, Damchhara, North Tripura. Ki pulit ki la ioh kurup ruh kawei ka Aadhar card, kawei ka PAN card, ka mobile phone, ka tata sumo ka don u register No. ML 05 N 0515.

Ia kitei ar ngut la pynngat hapoh ka kyndon ka kyndon ain jong ka NDPS Act, ka jingtohkit ka dang iaid shakhmat pyrshah ia kitei ar ngut ban lap dien ia kiwei kiba donkti ban khaii drok. The seizure and operations were conducted by Shillong ANTF under the leadership of Sandra Nongdhar.