Ki shipai BSF jong ka 172 Battalion ki la ioh kem ar ngut ki nong India bad kurup ia ka trok kit shini ba thmu ban die sha Bangladesh ha Kuliang kaba hap hapoh jong ka East Jaintia Hills District. Ki shipai BSF mar ia ioh jingtip ki la pynlong ban ap ktem bad ioh bat ia kawei ka trok ba tap tyrpal bad haba ki kyllied ia ka tarpal ki lap pynban ba don ka shini haduh 25,000 kilo.
Ki BSF ki la tohkit ia u nongniah bad ia u nongbud katei ka trok hynrei kim lah ban pyni ia ki kot ki sla ba biang, kumta ki BSF ki la bat ia ki bad hadien ki la aiti sha ki Custom ban leh ia kaba don kam katkum ka ain.
La iathuh ka jingioh kem ka dei da ka jingiatreilang hapdeng ki BSF bad ki Pulit jong ka jylla ha ka thain Kuliang, East Jaintia Hills District.
+ There are no comments
Add yours