Ki shipai BSF ha ka sngi Baar ki la kem ia ki 3 ngut ki briew bad kurup 200 bilor ka Phensedyl bad ka 6800 Kg ka shini ba ki thmu ban khaïï be-aiñ sha ri Bangladesh. Ki BSF ki la pyntip ba ki la pynlong ia ka jingkhynra ha kylleng ki thaiñ khappud jong ka jylla Meghalaya hadien ba kila ioh ia ki jingtip kiba paka bad ha kane ka jingkhynra ki la ioh kurup 200 bilor ka dawai jyrhoh Phensedyl katba dang ban khaïï be-aiñ sha Bangladesh na ka thaiñ khappud kaba hap ha East Jaintia Hills.
Ha kiwei pat ki jingkhynra, ki shipai BSF ki la ioh kem ia 3 ngut ki nong India bad ka kurup 6,800 Kg ka shini na kylleng ki bynta ka thaiñ khappud jong ka Meghalaya kiba thmu ban khaïï be-aiñ sha ri Bangladesh.
Ki BSF kila iathuh ba kila aiti noh ia kitei ki briew kiba la shah kem bad ia ki mar kiba la ioh kurup sha ka Custom bad sha ka Police Station ba kin leh ia kaba donkam.
+ There are no comments
Add yours