Shah kem 3 ngut, kururp 70,000 Kg ka shini ba thmu shalan sha Bangladesh

Ki shipai iada khappud Border Security Force (BSF) kila ioh kem 3 ngut kiba thmu shalan tuh 70, 000 kilo u shina sha Bangladesh.
Kane ka jingioh kem kadei lyngba ka jingiatreilang ki shipai jong ka 181 Bn BSF bad ki Pulit ka Meghalaya kiba la ioh bat ia 3 tylli ki kali ba kit shini naka shnong Gasuapara kaba hap hapoh ka South Garo Hills.
“Hadien bala ioh jingtip, ki BSF haka jingiatreilang bad ki Pulit ka Mgehalaya kila pynlong daka Mobile check post (MCP) ha jan ka shnong Gasuapara bad kila ioh bat 3 tylli ki kali ba kit shini” la ong ka kyrwoh na BSF.
Ka kyrwoh ka kdew ba ki 3 ngut kiba shah kem kim shym la lah ban pynshisha haba iadei bad ka jingkit haduh 70,000 kilo u shina.
Ia ki 3 ngut ba shah kem bad ia u shini la aiti sha Police Station Gasuapara ban leh iaka ba donkam.
Tang hapoh 4 bnai, ki BSF Meghalaya kila ioh kurup haduh 1188 ton u shini ba thmu shalan sha Bangladesh lyngba ki shnong khappud.