Lai ngut ki runar ba donkti ban knieh ia ka pisa T.80 hajar da kaba pynap pistol ha Medipathar ki la shah kem ha ki pulit hynne ka sngi da ka jingiatreilang ki pulit Meghalaya bad Assam.
Kane ka jingshah kem kitei ki saw ngut ka long halor ka jingshah knieh ka pisa T.80000/- tyngka da kaba shah pynap pistol ha Medipathar ha Meghalaya ha ki runar bym lah ithuh kaba la jia ha ka 18 tarik Jylliew, 2024 bad ia kitei ki briew la ioh kem da ka jingiatreilang ki pulit Meghalaya bad Assam.
Ka khubor ka iathuh ha ka 1 tarik Naitung, 2024 u Turti Baumatary na ka shnong Buglamari na Goalpara District, Assam ba hap hapoh ka Dudnoi ula leit pyndem ha khmat ki pulit ryngkat kawei ka suloi bad ar tylli ki kulit.
Da ka jingialam lynti u Turti, la ioh ban kem ia u paralok ba shah kynnoh donkti lang ha ki kam runar u Sahadev Basumatary na Assam na Tikrikilla, ki pulit ki la kem ia u Sunil Boro na ka shnong Upper Burgum na Assam katba u Kaltu Rabha ula lait phet.
Ki pulit ki dang pynlong ia ka jingtohkit pyrshah ia kitei lai ngut ban lap dien ia kiwei kiba donkti.
