Ki shipai Border Security Force (BSF) ha ka 30 tarik mynta u bnai, ki la kem ia 4 ngut ki nong India bad kurup 4 tylli ki kali ba kit marbam na thain khappud East Khasi Hills. Ka kyrwoh na ki shipai BSF, ka kdew ha ka 30 tarik Nailur ki shipai ki la ioh jingtip ba don ki kali ba kit shini sha thain Shella lyngba ka surok Iachamati bad na ka liang ki shipai BSF 110 Battalion ap ktem bad bat ia kitei ki kali.
Ha ka jingtalasi la lap ba 3 tylli ki kali ki dei ba kit shini bad kawei ba kit rynsun ba shongdor haduh T.10 lak. La iathuh ha ka jingtohkit, ki nongniah kim shym la lah satia ban pyni ia ki kot ki sla ba la ioh jingbit ban kit shini bad u rynsun.
Hadie ki shipai BSF ki la ai ti noh ia ki kali, ki mar bad ia ki 4 ngut sha ka Land & Custom Office ha Bholaganj ban pynlong ia ka jingtohkit.
