Ki Pulit ka Anti-Narcotics Task Force (ANTF) ka East Khasi Hills District, hynne ka sngi ki la ioh kem ia 6 ngut ki nongkhaii drok na Mawlai Mawiong. Na kine la ioh kurup bun bah u drok lem bad ka pisa.
Kiba shah kem ki kynthup u bah Sanborlang Khongwir 32 snem na Mawlai Mawiong, u Bringson Kharumlong 35 snem na Mawlai Mawtawar, u Kitborlang Nongsiej 29 snem na Mawlai Umrynjah, u Return Dkhar 40 snem na Mawlai Nongmali-III, u Wanlambok Lyngdoh 25 snem na Mawpat bad u Richard Marbaniang 24 snem na New Nongstoin.
U Superintendent of Police (SP) ka East Khasi Hills u Bah Sylvester Nongtnger ula pyntip ba ki pulit ka ANTF ki la ioh kurup ia 5 tylli ki synduk sabon ba don u drok ba khia 64.1 gram, 7 tylli ki mobile phone lem bad ka pisa T.1.29 lak bad ka kali Maruti Car 800 ba don u Number ML05-E-8363 bad ka Bike Yamaha R15 ba don u Number ML05-AC-9261. Ia kine la Register Case ha Mawlai Police Station hapoh ki kyndon ka NDPS Act bad ka jingtohkit ka dang iaid shakhmat.
