Ki shipai iada khappud Border Security Force (BSF) hynne ka sngi, kila iohkem ia ki 6 ngut ki nongkhaii masi tuh sha ri Bangladesh bad ioh kurup haduh 69 tylli ki masi kiba la thyngngian ha ki 4 tylli ki Bolero Pick-up na khappud ka West Garo Hills.
Ki BSF kila pyntip, ba ki shipai ka 100 Bn BSF Meghalaya, ha ka jingkhynra ryngkat bad ki Pulit, kila ioh kurup 69 tylli ki masi na ka shnong Dalu ba don ha khappud bad kine ki masi ki dei kiba thmu ban khaii tuh sha Bangladesh.
Ha kane ka jingkhynra, kila ioh kem ia 6 ngut ki nong India kiba donkti ha ka kam khaii tuh ia ki masi. Ia kitei ki masi bad ki briew, la aiti noh sha ki Pulit ka Dalu Police Station ba kin leh ia kaba donkam.
