Kumba 100ngut ki ehrang Hamas, ki la shah kem bad shah law lyngkhuit ha ki shipai Israel bad la pynshong kyrain ia ki, ha madan, hapdeng jong ka surok bah Gaza, ha kaba la ker kut ia ki da ki shipai IDF jong ka Israel.
Ha ki dur, ba la pyni paidbah, la iohi, ia kitei ki ehrang, kiba la shah pynlaw lut ia ki jain jongki bad ba la pynphong, tang da ki patlun poh suda.
Hadien jongki, ki don ki shipai Israel, kiba don ia ki tiar siat kiba khlain bor bha bad kiba dang peit siar bha, ia kitei ki ehrang, kiba la ngeit ba ki dei ki nong Palestine suda. La pyni ruh, ba la thep, ia kitei ki ehrang, ha ki trok, ha kaba kin shah tohkit, ha ki shipai jong ka Israel bad la iohi ruh, ba la teh ia ki kti jongki shadien bad la teh ruh ia ki khmat jongki. Ki shipai Israel, kin tohkit ia kitei ki ehrang ban lap, ia ka jingiadei jongki bad ki Hamas, ong shuh ka khubor. Ki Hamas, ki kam, ba kitei kiba shah kem, ki dei ki riew paidbah bad ki dei ki bym don tiar siat eiei satia.
+ There are no comments
Add yours