Ha ka 15 tarik mynta u bnai ki shipai iada khappud, Border Security Force (BSF) Meghalaya ki la ioh kem ia uwei u khar Bangladesh ha ryngkat ki bilor kiad ha ka thain khappud jong ka East Jaintia Hills District.
Hadien ba la ioh jingtip na ki bor syntiat ki shipai BSF 172 Bn, ki la pynlong ka jingpeitngor ha ka thain khappud jong ka BOP-Dona.
Ha kane ka jingkhynra, ki BSF ki la ioh kem ia u wei u khar Bangladesh ba la tip kyrteng kum u Shameem (22 snem) uba shong ba sah ha Sylhet district, Bangladesh ryngkat bad ki bilor kiad.
Ïa u nong Bangladesh ba la shah kem bad ïa ki bilor kiad ba la ïoh kurup la aiti noh sha u Umkiang PS ban leh ïa kaba donkam katkum ka aiñ.
