Ka Anti Narcotics Task Force (ANTF) jong ki pulit ka East Khasi Hills ki la ioh kem ia uwei u nongkhaii drok bad la ioh kurup haduh 1 lak tylli ki dawai kuli Yaba. U Superintendent of Police ka East Khasi Hills ula pyntip ha ka 14 tarik u Jylliew ki la kem ia u nongkhaii drok uba la tip kum u B Lallianzama 36 snem ka rta, uba na Law U Sib, Madanrting.
U SP ula pynpaw, haba ki pulit ki la ioh ia ki jingtip kiba thikna, kumta ka kynhun ANTF bad ki Pulit ka Mawryngkneng Police Station, ki la pynlong ia ka jingkhynra hajan ka Mawryngkneng Police Station bad ki la ioh kem ia une u nongkhaii drok.
Ula pyntip ba na Lallianzama la ioh kurup haduh 1 lak tylli ki dawai kuli Yaba uba don ia ka jingkhia kaba 10.122 Kg, kawei ka mobile phone bad kawei ka Maruti Breeza kaba don u nombor ML05-P-3646. Ia une u briew la register case hapoh Mawryngkneng Police Station hapoh ka kyndon 22(C)29 NDPS Act bad ka jingtohkit mynta ka dang iaid shakhmat.
