Ki Pulit Anti-Narcotics Task Force (ANTF) ka East Jaintia Hills hynne ka sngi ki la kurup drok Heroin ba shongdor T.5.5 klur bad ki la kem ia uwei u nongkhaii drok ba la ithuh kyrteng u Lalbiakdik Vaiphei 39 snem uba sah ha Madanrting, East Khasi Hills, Shillong.
Ka kyrwoh na u Superintendent of Police (SP) East Jaintia Hills u Giri Prasad, ka iathuh ba ia une u Drok bad ia u nongkhaii la kem da ki Pulit ANTF ha ka jingialam da u Addl SP bad ki Ophisar ka Lumshnong Police Station.
La iathuh ba ki Pulit ANTF ki la bat ia kawei ka kali Tata Sumo kaba wan na Silchar ka Jylla Assam hadien ba la ioh khubor ba don ki nongkhaii ba wan kit drok da kane ka kali.
U SP ula iathuh ha ka jingtalasi ia ka kali, la ioh ban kurup haduh 58 tylli ki synduk sabon kiba thep ia u drok Heroine 609 gram u shongdor T.5.5 klur bad la kem ia uwei ba tip kyrteng u Lalbiakdik Vaiphei (39 snem) uba shong ba sah ha Madanrting, East Khasi Hills, Shillong.
Ki Pulit ki la kurup ia ka kali Tata Sumo bad kawei ka Mobile Phone ha khmat ki nongsakhi shimet.
Halor kane, ki Pulit kila Register Case ha Lumshnong Police Station hapoh ka kyndon NDPS Act bad ka jingtohkit ka dangiaid shakhmat.
