Ki nongsupply tiar na bynta ka skhim bylla sngi spah sngi ne NREGA sha ki shnong ki shah khate haduh 50% na ka pisa ba ki dei ba la mang. Kane ka paw ha kiba bun ki Community nad Rural Block ha Garo Hills.
Katkum ka kyrwoh ba la phah da u Bernad N Marak MDC ka BJP na Tura ula iathuh ba katto katne na kine ki nongsupply tiar ki la ong, ba ki hap ban ot ia ka pisa namar ki hap ban siew ia ki nongialam sain pyrthei bad katto katne ki heh sorkar na ka pisa ba la mang.
“Kane ka dei ka daw ba bun ki shnong kim lah ban pyndep ha ka por kaba biang ia ka kam” la ong ba Bernad bad ula kyntu ia ki trai shnong na kiba la shah khate 50 haduh 60% da ki supplier bad ki nongdie ba kin pyntip mar mar sha ophis jong u.
“Ngin ai da FIR pyrshah ia kito kiba pynduh ia ka hok ki trai shnong. Ngin sa pyntip sha ka ophis jong u Myntri Rangbah bad ki Deputy Commissionerhalorkane ka kam bamsap” ula bynrap.
