Ki shnong kiba shah ktah ha ka jingpynwandur thymmai ia ki 29 tylli ki MDC konstiwensi, ki kham bun ha East Khasi Hills bad West Khasi Hills bad tang katto katne tylli ha Ri Bhoi District.Katkum ka kaiphod ba la aiti da Delimitation Committee ha ka EC ka KHADC kaba la wanrah ruh ha iing dorbar dang shen, ka Committee ka la ai jingmut ban pynwandur thymmai ia ki 19 tylli ki shnong ha ki konstiwensi. Ki shnong kiba shah ktah ha kane ka jingwandur thymmai ki long, ha East Khasi Hills ka Madanriting kaba ju hap ha Nongthymmai, kan leit noh sha Nongkrem konstiwensi, Ka Mawlai Mawroh kan leit noh sha Jaiaw na ka Mawlai konstitwensi. Ka Mawpat kan leit noh sha Mawkhar-Pynthorumkhrah na ka Mawlai konstitwensi.Ka Cleve Colony, Risa Colony bad Tripura Castle kiba hap ha Nongthymmai kin leit noh sha Laitumkhrah-Malki konstitwensi. Ka Umsawli, Lyngkien bad Mawsier kin leit noh sha Mawkhar-Pynthorumkhrah na ka Laitumkhrah-Malki konstitwensi. Ka Lumdorbar, Lumsohphoh, Mynsain bad Kynjatphutbol kan leit noh sha Laitumkhrah-Malki na ka Laban-Mawprem konstitwensi. Ka Lumshngain kan leit noh sha Nongthymmai na Laitumkhrah-Malki konstitwensi. Ka Lapalang bad Nongrah kan leit noh sha ka nongthymmai na ka Sohryngkham, ka Raibah, Trongpleng, Mawpait-Trongpleng, Nongthymmai Raidewsaw, Mawlongroh Domshken Rum, Domshken bad Mawshaliah kan leit noh sha Langrin na Mawsynram konstitwensi. Ka Nongrim Sadew, Umthlong, Mawkalum, Mawkriah West, Lumsohriew, Ladmawreng, Mawreng, Lyngkhwir bad Mawreng Mihngi kin leit noh sha Mawphlang na Mylliem konstitwensi.
Ka Laitniangtlong, Wahrisain, Laitmawsiang bad Nongriwah kin leit noh sha Mawphlang-Diengiei na ka Nongspung-Sohiong konstitwensi.Ka Bangla Sohphie kan leit noh sha Nongspung-Sohiong na Mairang-Nongkhlaw konstitwensi. Ha Ri-Bhoi, ka Nongpoh kan duh noh ia ka Paham Sohbar ka ban leit sha Jirang. Ha West bad Eastern West Khasi Hills, ka Ksehkolong, Marngor, Laitkseh, Upper Laitkseh, Langlew, Mawkhan Pambeh, Mawkhan Wahkwang, Phyllut, Mawblei-Mawjnoin, Law Namlang, bad Nongdom Laitmilang kin leit noh sha Nongstoin na Pariong-Mawthadraishan konstitwensi. Ka Nongriat, Nginiong, bad Mawlum Nginiong kan leit noh sha Rambrai-Jyrngam na Pariong-Mawthadraishan konstitwensi. Ka Mawkohmoh kan leit sha Rambrai-Jyrngam na ka Nongstoin konstitwensi. Ka Patharkhnang, Rwiang, Mawruskoin, Thynri, Thiepjaphlang, Nongkyndang, Nongpdeng, Nongdiengkain, Nongrathaw, bad Nongpdeng kan leit noh sha Mawshynrut na Rambrai-Jyrngam konstitwensi.
Ka Diskiang kan leit noh sha Nongstoin na Rambrai-Jyrngam konstitwensi. Nangta, ka Malang Khasi, Malangjoypur, Sildubi dilbot, Aberam, Dubakrod, Amagoan, Malang Salbari, Gohanimara bad Simanaguri kin leit noh sha Mawshynrut na ka Rambrai-Jyrngam konstitwensi. Ia kane ka kaiphod ka Delimitation Committee la phah sha ka Select Committee ban bishar bniah biang hapoh 2 taiew eiei.
