Shah pynïap 2 ngut ki heh shipai, paw kyrteng ha u Mot

Ka Hima Nongkhlaw kum ka dak ka jingkynmaw burom iaka jingshlur bad iaka jinglen lade u Syiem Tirot Sing Syiemlieh bad ki shipai jong u haka 4 tarik u iaiong 2024 kala rakhe kynmaw burom iaka “Khasi Anglo War” lane ka thma u Syiem Tirot Sing pyrshah iaka sorkar bilat kaba la khie ha u bnai iaiong 1829 bad kaba la kut noh ha u snem 1833 hadien ka jingshahkem noh u Syiem Tirot Sing Syiemlieh haka buit poh jong ka Sorkar Bilat hapoh ka jingialam u David Scott.

Ia kane ka jingrakhe kynmaw burom la pynlong haki artylli ki jaka kata haka shnong Nongkhlaw kaba dei ka shnong u Syiem Tirot Sing bad ha Mairang Mision bad ha kane ka sngi la ioh ruh ban pyllong iaka bike rally naka shnong Nongkhlaw sha Mairang Mission daka jingwan iashim bynta ka kynhun ki nongniah ar-shaka ka Eastern West Khasi Hills District ia kaba la tip kum ka TULBA.

195 snem mynshwa ha kum kane sngi 60 ngut ki shipai langrut u David scott kila shah pyniap ha Nongkhlaw bad arngut ki heh shipai kiba kynthup ia u Lt. Bedingfeld bad u Lt. Burlton ruh kila shah pyniap ha ha kane ka jingkhie ka thma bad iaka kyrteng jong kine ki heh shipai bala shah pyniap la lap ruh ha u mot sah kynmaw ba la tei ha Nongkhlaw.