Ka jingiakhih jong ki samla pule ka skulbah North Eastern Hill University (NEHU) ka la nang rhem namar ka jingpyneh jong u Vice Chancellor u Prof. Prabha Shukla Shankar ia ki jingdawa ki samla pule. Mynta ka sngi u Blei, la ioh jingtip ba ka jaka sah jong u Vice Chancellor ka skulbah NEHU ka la shah pynpait ia ki iing set kali, bad ki shuki bad ki bynta kiba don shapoh jong ka. Lah ban kdew ba ki samla pule ka NEHU ki la pyllong ia ka jingiakhih shah thngan ban dawa hiar shuki syndon ia u Vice Chancellor ka skulbah u Prof. Prabha Shankar Shukla hadien ba ula pyneh ban weng noh ia u Registrar bad u Deputy Registrar kiba la kynnoh ba kim bit satia ban trei ia ka kam.
Kane ka jingiakhih shah thngan khlem buh por jong ki samla pule kane ka skulbah ka la iaid sha ka sngi kaba san. Ha kane ka jingiakhih ki samla pule ka NEHU, ki nonghikai bad ki kynhun sengbhalang ki la ai ka jingkyrshan kaba pura. Nalor ki kitei, ki longkmie na them Ri-Bhoi hynne ka sngi ki la wan kiew sha NEHU ban ai jingduwai ia ki samla kiba la pyllong ia ka jingiakhih shah thngan ha phyllaw ka skulbah NEHU.
Kane ka jingwan ai mynsiem jong ki longkmie ia ki samla kiba la pyllong ia ka jingiakhih ka long ban kin lah ban iakhun haduh ban ioh ia u soh ba thiang lyngba ka jingai bor jong u Blei.
