Shillong, Jylliew:Ka Sorkar Jylla hadien ba la kut ka elekshon MP Lok Sabha, hynne ka sngi ka la pynkynriah kam biang ia ki Deputy Commissioner bad ka la wanrah biang ia ka Kong RM Kurbah kum ka DC, East Khasi Hills bad thung noh ia SC Sadhu kum u Secretary ka C&RD.
Ka Kong RM Kurbah ka la bat kum ka DC jong ka East Khasi Hills, hynrei shwa ka elekshon MP ka la shah pynkynriah kam noh kum ka Secretary ka Tnad Community & Rural Development, Fisheries bad ha kajuh ka por ka la bat ruh kum ka Director ka Community & Rural Development.
Mynta ia katei ka kam ba bat ka Kong Kurbah yn shimti noh da u SC Sadhu bad un peit ruh ia ka tnad Animal Husbandry & Veterinary bad Water Resources Department.
Nalor kane, ka sorkar ka la pynkynriah kam ia u Deputy Commissioner ka East Jaintia Hills District u A. Baranwal bad la thung ia u kum u DC ka Ri-Bhoi District. Katba u S Awasthi, Deputy Commissioner ka South Garo Hills, yn shimti kum u DC ka East Jaintia Hills District.
