Ka tnat Nanotechnology jong ka skulbah North-Eastern Hill University (NEHU) ka la pynlong ia ka Workshop halor ka phang “Good Field Collection Practices (GFCP)” ha kaba ki nongai dawai kynbat na kylleng ka jylla Meghalaya ki la wan iashim bynta. Ia katei ka workshop la pynlong ruh lyngba ka iatreilang ka Quality Council of India (QCI) bad ka National Medicinal Plant Board (NMPB), New Delhi hapoh ka skulbah NEHU, Shillong da ka jingthmu ban plie lad ban ai ia ka Voluntary Certification Scheme for Medicinal Plant Produce (VCSMPP) ha kaba 30 ngut ki nongsumar dawai kynbat tynrai ki la ia shim bynta.
U Prof DK Nayak, Senior Professor bad u Vice-Chancellor Incharge kum u Kongsan ula pynpaw ka jingdonkam ia ka jingpule bad ula kyntu ia ki nongiashim bynta ban wad jingtip bniah da kaba iasyllok bad ki riew shemphang, ki nongwad bniah bad ki nonghikai khnang ba kan long ka jingiarap bad ka jingmyntoi lang ha ka jingiasam mar kylliang ia ki jingnang jingtip. U Prof SR Joshi, Director jong ka Research and Development Cell, ula kren shaphang ka jingriewspah ha ka jinghiar pateng ia ka jingioh ia ki jingnang jingtip ha kaba ia dei bad ki dawai kynbat bad ula ban jur ia ka jingdonkam ban leh ia ka Good Agriculture Practices (GAP) ban kyntiew ia ka kyrdan, ban pynmih ia ki dawai kynbat bad ban don ruh ia ka jingiakhun hapdeng ki nongrep ka thaiñ shatei lam mihngi da kaba iaid ryngkat lang bad ka VIKSIT BHARAT.
Ha kane ka jingialang la ioh ia ka jingkren na u Prof Md Iftekhar Hussain, Dean of School of Technology, u Dr LR Singh, Head of the Department of Nanotechnology ka NEHU bad la la ioh ia ki jingbatai kiba bniah na u Dr Rajeev Kumar Sharma, Chief Technica Advisor, NMPB bad Ex-Director, PLIM, New Delhi bad na u Jangaiah Mangalaram.
