Ka DeenDayal Upadhyay Community College for Skill Development (DDUCCSD), ka kolej ba don ha ka North-Eastern Hill University (NEHU), ka la pynlong ïa ka prokram ai jinghikai ba san sngi halor ka “Floral Design & Bouquet Making” bad “Makeup & Hair Styling” ne ka jinghikai shna syntiew bad ban ot ne pynitynnad ia ki shniuh. Ïa kane ka prokram la pynlong naduh ka 26 tarik haduh ka 30 tarik Nailar, 2024 ha jaka ka kolej ha Wahiajer, Jowai, West Jaiñtia Hills District. Ka prokram ka la khring ïa ki kynhun bapher bapher ha kaba 100 ngut ki la shim bynta na ki nongshong shnong, ka jingthmu ka long ban kyntiew ïa ka sap ki samla nongkyndong ha ki kam, kata ban hikai pynbit ban treikam ha ka jingshna syntiew, ka jingshna syntiew, ka jingoh dur bad ka jingpynwandur ïa ki shniuh ban pynitynnad. Ki nongiashim bynta ki angnud ban pyntbit ia la ka jong ka sap na bynta ban ioh kamai kaba neh ha ka jingim bad ki la iashim bynta shitrhem ha ki prokram.
U Prof. P.S. U Shukla, u Vice-Chancellor ka NEHU ula ïaroh ïa kane ka jingthmu da kaba pynksan ïa ka jingangnud jong ka skulbah ban kyntiew ïa ka jingsap ki samla nongkyndong ha ka imlang sahlang. Ula ai khublei ïa ka jingjop jong ka prokram bad u la kular ban pynbha shuh shuh ïa kum kine ki jingthmu pynroi ia ka sap ban ïarap ïa ki briew shimet ban ïoh ïa ki lad kamai kiba kham bha. “Ki jinghikai ba la ai ha kane ka prokram kim dei tang na bynta ka jingmyntoi shimet hynrei ka bynta ba kongsan ka long ka jingpynkup bor ia ka ioh ka kot ha ka imlang sahlang. Ka NEHU kan dang ai ban kyrshan bad pyniar ia kine ki jingthmu ban pynthikna ba ki samla jong ka thain jong ngi kin lah ban nangkiew ha ka jingiakhun ia ki kam ha iew ha hat,” la ong u Prof. Shukla.
Ka Skill Up-gradation Training Prokram ka dei kawei pat ka mawjam ha ka jingpyrshang ba dang iaid shakhmat jong ka DDUCCSD ban plie lad pyntbit ia ka samp ki briew ha ka jylla Meghalaya ban noh synniang ha ka roi ka par jong ka imlang sahlang baroh kawei.
