Ka North Liberty Higher Secondary School Jowai kala pynlong ia ka Education Fair kaba ar sngi ha kaba ki khynnah skul kila ioh ia ki jingpynshai na ki jaka pule ki bapher bapher kiba don ha kylleng ka ri. Ha kane ka Education Fair la wan ban iashimbynta da ka Royal Global University Guwahati, ka MIT University Shillong, ka Chanakya University, ka R R Institute of Technology, ka Assam Down Town University, ka Indoglobe Institution Bangalore, ka Parul University bad ka Alliance University.
Ki khynnah na ki skul bapher ka Jowai kila iohlad ban tip bad kumjuh ban buh jingkylli ia ha kaba iadei ban ioh ia ki jingtip ha ki laiñ pule bapher ba kin lah shim katkum ka jingsngewtynnad jong ki hadien bala dep ia ki jingpule na ki skul.
Kane ka Education Fair kan ka la kut noh hynne ka sngi Saitjain ha kaba ki khynnah ki ioh ia ki jingtip kiba bniah ha kaba iadei bad ka jingthmu ka jongki na ka bynta ban bteng ia ki jingpule ki jongki hadien habud.
