Shimbynta lang ki dkhot ka National Commission ha ka Viksit Bharat Sankalp Yatra ha Laitkynsew

Ka Jylla da ka jingthmu ban pynthikna ka jingpynpoi ia ki skhim jong ka sorkar sha baroh. Ka pynbiang ruh ki jingmyntoi sha baroh kiba dei ban ioh bynta ha ki skhim jong ka sorkarpdeng bad ban ai jingtip sha ki briew shaphang ka jingjamshakhmatha ka ri lyngba ki skhim.
Ha ka jingai jingtip shaphang ki skhim bapher bapher jong ka sorkarpdeng ka Shella- Bholaganj C & RD Block mynta ka sngi ka la pynlong ia ka prokram ha shnong Laitkynsew ha kaba ka dkhot jong ka National Commission for Women, New Delhi, ka Kong DelinaKhongdupka la iadonlang.
Ha ka jingai jingkren ha ka jingialang ka Kong Khongdup ka la ong ba ia ka Viksit Bharat SankalpYatra la plie da u Myntri Rangbah duh u Narendra Modi na ka bynta ka jingmyntoi jong ki briew ha ki jaka nongkyndong. Ha ki 9 snem ba la leit ka Sorkar Pdeng ka la trei borbah ban peit ba baroh ki skhim ba dei na ka bynta kiba duk ba suk ki poi sha ki briew ba dei hok ban ioh. Ka Kong Khongdup ka la kyntu ruh ia baroh ban sumar ia ka mariang bad ki sawdongsawkun jong ka. Ka la ong shuh shuh ba, “Kadei ka kamram jong ngi baroh ban burom ia ka mariang, kam mut ba ngi burom bad thung dieng tang ha ka sngi rakhe ia ka Mei Marianghynrei ngi dei ban thung dieng bad kiar na kaba pyndonkam ia ki pla plastic. Lada ngi kwah ban iohiia ki jingkylla ha ki jaka jong ngi ha ka ri kadei ban sdang na nga.”
Ka Kong Khongdup ka la pynpaw ka jingsngewnguh sha baroh kito kiba la trei shitom bad ai jingmut ia ki ban iai bteng ban trei shitom ban kyntiew ia ka rukom im jong ki briew ha ki shnong, ha ka jylla bad ha ka ri baroh kawei.
Ki prokram ‘Jan Bhagidari’ bapher bapher kum ka jingiathuh ia ki jingshem jong ki nongioh jingmyntoi ia ki skhim sorkarpdeng hapoh ka Mere KahaniMeriZubani, ka jingpynpoi pura ia ki skhim kum ka Ayushman Bharat, JalJeevan Mission, Jan DhanYojana, PM KisanSammanNidhiYojana, jingioh kyrdan ODF Plus, ki health camp bad kiwei kiweikilong ki prokram ba khring bha ha kane ka jingialang. Ki nongshong shnong ki la mih shakhmat ban iathuhia ki jingshem jong ki hadien ba ki la ioh ia ki skhim jong ka sorkar.
Ka Kong Bethel Warjri, kawei na ki dkhot jong ka SHG ka la pynpaw ka jingsngewnguh jong ka ia ka sorkar na ka bynta ka jingiarap ba ka la ioh kum ka dkhot jong ka SHG. Ka la ong ba naduh ka por ba ki la thaw ia ka kynhun ka jingim jong ki ka la kylla bha. Ka la ong ruh ba na ka T. 10 ba ki la ialum ha kaba sdang, mynta ki don ha ka kyrdan ban ai ram sha ki dkhot jong ki lyngba ki skhim ba ki ioh na ka sorkar lyngba ka NRLM. Ka la ong ruh ba lyngba ka NRLM ka kynhun ka ioh T. 15,000 bad mynta ki pyniaid ia ka kynhun da kane ka pisa.
Ka Kong Theodora Wanjee,sa kawei ka dkhot jong ka SHG, ka la iathuh ba ka kynhun SHG jong ki ka la ioh shibun ki jingmyntoi. Ha ka por ba ki sdang ia ka kynhun ki la mad shibun ki jingeh hynrei da ka jingwan jong ka NRLM ki la iohnong shibun bad ka jingim jong ki ka la kham suk. Ka la ong ruh ba ki la ioh shibun ki jingmyntoi na ka sorkarpdeng lyngba ki skhim bapher bapher,
Ka Kong Alda Mary Badwar, ka nongrijingri ka la ong ba ka sorkar lyngba ka Tnat Veterinary ka la kyrshan ia ki. Mynta ka longiing jong ki, ka pynbiang dud ha ka shnong bad ha ki shnong ba marjan. Ka la iathuh ruh ba ka la ioh shibun ki skhim bad pynpaw ka jingsngewnguhia ka sorkar na ka bynta ka jingkyrshan ia ka ha kane ka kam.