Ki runar ki bym lah ban ithuh lane tip kyrteng khlem jingsalia ki la kyndang ïaki artylli ki dukan kiba don ha ka sor Nongpoh bad ban rong ïaka pisa bad ban pynpra ruh naphang ïaki tiar ki tar. Kitei ki artylli ki dukan ki ba la shah kyndang ki kynthup ïaka dukan kaba la tip kyrteng ka “Moon Light Studio” Kaba Don haka building ba la long trai da u bah Hubert Marweiñ bad kawei pat ka dukan kaba dei jong u Tuta Miah kaba die ïaki tiar mar bam bad ki khutia mutia.
Katkum ka jing antad la tip ba Kane ka jingjia ka la jia hynnien shiteng synnia lane haka step phyrngap jong ka 10 tarik, hakaba ki runar ki la kyndang jubor ïaki jingkhang Nar jong kitei ki ar tylli ki dukan ban rong ïaka pisa bad ïaki mar ki mata na katei ka dukan die marbam bad ïaka dukan Moon Light Studio la lap ba ki la shu pynpra bad pynjulor ïaki tiar kiba don hapoh dukan.
Na ka liang ki trai jong ki artylli ki dukan ki la leit ban ujor sha Nongpoh Police Station bad mar mar naka liang ki pulit jong ka Nongpoh ha ryngkat bad ki Expert ki la poi ha kitei ki artylli ki dukan ban tohkit bniah ïa katei ka jing jia bad naka liang ki pulit haduh mynta ki dang pynlong ïaki jingtohkit ban lap ïaki runar kiba donkit ha katei ka kam tuh.
