Ki nongialam ka Ladthadlaboh Pyllun Jowai ba kynthup iaka Ladthadlaboh, Carolyne, Mookyrdup, Tyndowapung, Salaroh, Lumpariat bad Mooralong hynne ka sngi kila pynpaw ka jingsngewnguh bad jingkmen hadien ba ka ïingdorbar shna aiñ ka JHADC haka 8/08/24 kala mynjur iaka Bill “The Jaiñtia Hills Autonomous District (Constitution of District Council) (Amendment) Bill, 2024″ ne ka jingpynkylla constituency kumjuh ka jingpynkynriah iaki shnong ki thaw namar baki shnong ba hap hapoh ka Ladthadlaboh Pyllun la lah pynlum pynlang khrui hapoh kawei don ka MDC Constituency kumba kila thrang la angnud.
Na ka liang u waheh shnong Ladthadlaboh u A.Shullai haba kren sha ki lad pathai khubor u ong, dang shen haka Draff Delimination ki shnong ba hap haka Ladthadlaboh Pyllun la phiah iaki haki lai saw constituency, kumta da ka jingiatreilang bad ia tylli kine ki shnong ban wan ha kajuh ka lama jong ka Ladthadlaboh Pyllun naka bynta ban ieng pyrshah wat haka jingpynsngew paidbah ba pynlong daka Delemination Committee haka 9 tarik u bnai bala dep ha Mynthong District Library Jowai kumta kala long kaba jop. Bad nalor ba ki ieng ryntih ban ia pyrshah kila ai ruh ha ryngkat ki jingthoh.
Kumta ki la ai khublei iaka Delimination Committee kumjuh ia u CEM ka JHADC bad ki EM namar ba kila ioh kumba thrang bad angnud. Da kaba khmih lynti ruh ban lah lehbha shuh shuh ha kino kino ki kam naka bynta ban biang ki paidbah ka Ladthadlaboh Pyllun baroh kawei. Haba kylli pat iaka Dongmisngi kaba don syndah bad ka Ladthadlaboh hynrei ka hap sha Jowai South, u waheh shnong Ladthadlaboh u ong, hashwa ba kin iaid shakhmat kila iakynduhlang pra waheh shnong kiba hap hapoh ka Ladthadlaboh Pyllun bad shim ruh iaka rai katkum ka jingkwah u paidbah ba bun. Bad ia ka Dongmisngi ruh kila khot lang iaki nongialam shnong jong ka, hynrei maki pat ki ong ba ki sngewbiang hi ban don ha kawei pat ka Constituency ruh namar wat ki paidbah jong ki ruh ngi mynjur lang hi.
