Kawei ka trok ba don ia u number AS-01-NC- 3867 kala wan syllad iaki kali ba ieng bad ba iaid hakhmat Jowai Civil Hospital Ialong haka por nohphai sngi 3 baje duna ei ei, bad ia kiba mynsaw la rah mar mar sha civil hospital ban ioh jingsumar.
Katkum ka jingiathuh kiba iohi ki ong katei ka trok dei kaba wan naka thaiñ East Jaiñtia, bad naka jingpynher sted u nongñiah mar ia poi hakhmat Civil Hospital kala tynrah shwa iaka kali Alto rong lieh bud sa iaka local taxi ba ieng ap passenger bad kane ka local taxi kala tynrah kylla sa ia kawei pat ka local taxi ba ieng hajan jong ka, nangta pat katei ka trok kala leit tynrah sa ia artylli ki kali Alto ba wan mar pyrshah jong ka ha kaba kawei kala hap shapoh sañium.
Napdeng ki 5 tylli ki kali ba shah pynjulor 2 tylli dei ki kali kamai ba don ia u registration no ML-04-C-5811 bad ML 04-D-7503.
3 tylli pat ki kali private ba don ki registration No ML-04-D 3728, ML-04-D-2753 bad ML-05-N-2244.
La iathuh ruh ba iaki briew ba shong haka kali ba la hap shapoh sañium la rah iaki mar mar sha hospital namar ba kila mynsaw. Bad ki don kumba 3 ngut kiba mynsaw.
