Ka khubor ba la ioh ka iathuh ba ka trai jong ka Kamlesh Yadav jong ka M/s MSN Enterprise, Thana Road Shillong ka la ujor ha ki pulit ba ka la iasoi ka jingiateh kular bad uwei briew ba la ithuh kyrteng u Tanmoy Banerjee bad ka kurim jong u ka Rituparne Sinha, kaba dei ka trai jong ka Bhavika Commercial Pvt., Ltd. na Kolkata, West Bengal ha ka 22 tarik Nailar 2022.
Katkum ka jingiateh kular ka long ba ka Bhavika Commercial Pvt., Ltd ban pynpoi ia ki nar rot Thermo Mechanically Treated (TMT) ban sam ha jylla Meghalaya bad la siew T.1 klur ka pisa. Hynrei la kynnoh kim shym la lah ban pynbiang ia ki tiar haduh kine ki sngi. Ha kawei pat ka jingjia u Executive Engineer, Garrison Engineer, MES, Shillong ula ujor ha ki pulit ba ki runar bym lah ithuh ki la shoh ia u Sanjay Kumar Singh, u Chowkidar haduh ba ula mynsaw jur bad la pynkit noh mar mar sha sha Civil Hospital Shillong ban ioh ka jingsumar.
Kane ka la jia ha ka 19 tarik mynta u bnai ha ka por kumba 8.30 baje mynmiet. Ha kajuh ka por, u Ashraful Hoque u la ujor ba ki runar bym lah ithuh ki la tuh ia ka thuk thuk jong u kaba don ia u number AS-25W-0917 na jaka pynieng ha kshaid Chongnga, Huhuapara, West Khasi Hills ha ka 19 tarik mynta u bnai ha ka por kumba 8.30 baje mynmiet. Halor kine ki jingjia ka jingtohkit na ka liang ki pulit ka dang iaid shakhmat ban lap dien ia ki runar ba donkti.
