ki nongialam ka Congress, ba ka NPP ka pyndonkam da ka pisa droks ban thied ia ki MLA ka jylla. Lah ban kdew ba dang shen u MP ka Tura konstiwensi u Saleng A Sangma ula kam ba ka NPP ka thied ia ki MLA ka Congress da ka pisa drok. U bah Hamletson haba kren sha ki lad pathai khubor ula pynrem jur ia kane ka jingkynnoh jong u MP ka Tura u Saleng pyrshah ia ka NPP bad kane ka dei tang ka jingkren laplah. U la ong ba ka jingwan rung ki 3 ngut ki MLA ka Congress ha ka NPP, ka dei hadien ba ki la iohi ka jinglong nongialam kaba bit kaba biang nalor ka jingtuid ki kam pynroi.
U bah Hamlet ula ong ba ka NPP ka la trei borbah na bynta ban rat dyngkhong ia ka jingjyllei jong u Droks ha kane ka jylla. “Ka sorkar ka la thaw ruh ia ka DREAM Mission khnang ban lah ban tehlakam ia u drok uba la jyllei ha kane ka jylla. Ban rat dyngkhong ia ka jingsniew jong u drok, donkam ban iatreilang, ym ban iakynnoh ban ia kdew kti iano iano,” ong u bah Hamlet.
U bah Hamlet ula ong ba ka party ka don ka jingkitkhlieh bad ka jingsngew khia bad ka pang ka mynsiem ban iohi ia ka jingngop ki samla ha u drok.
