Haba batai shaphang ka komitti, u la ong ba ki 35 ngut ki dkhot ki mih khmat ia ki shnat treikam bapher bapher ba kynthup ruh ia ki seng treimon sngewbha, ki ophis kiba iadei khmih ia kane ka bynta, bad ki briew shimet kiba la don jingtip ia u e-cigarette. Kane ka kynhun ka la khot sngewbha ia ki riew shemphang ba kin khmih bniah ia ki jingkhat ba bun jait jong une u jingdih, ba kynthup naduh ka koit ka khiah, ka imlang sahlang, ia ki khynnah bad ki samla, ia ka ioh ka kot bad ki bor ka ain. Ka komitti ka la shim ia ka jinglong ba shisha jong ka Thailand, ha kaba u e-cigarette udei uwei na ki daw ba ka imlang sahlang ka iakynduh jingeh bha. U la ban jur ba kine ki jingpyrshang ki long na ka bynta ka jingbha jong ka ri bad bynrap ba ka jingiada ia ki khynnah bad ki samla kadei ka bynta ba ha khmat eh jong ka kommitti.
U Niyom u la ong ba, watla ki e-cigarettes ki long beain ha Thailand, ka jingpyndonkam ia ki ka la saphriang bha. Kumta, ka komitti ka donkam ban thaw ia ki lad ki lynti bad ki kyndon kiba biang katkum ka jinglong ka Thailand, bad kren ia ka jingshisha jong kane. Na kane ka daw, ka komitti ka la thaw ia ki ar tylli ki kynhun sub-group: kawei kaban peit ia ki kyndon ban pyniaid ia ka kam bad kawei ka long ban pynkhreh ia ka kaiphod. Ka jingtreikam jong ka komitti kan long kaba treilaitluid bad kaba iahap katkum ka jinglong jong ka Thailand. Ynda la dep ia kane ka jingwad bniah, ia ki jingshem yn sa rah sha iing dorbar House of Representatives khnang ba yn nang lah ban shim shuh shuh ia ki rai da ka tnad executive ne da ka sorkar ha kaba iadei bad kano kano ka kyndon ba ki jied.
U Dr. Human Leethiraprasert, u MP ka Pheu Thai Party, tuba long u secretary ka kommiti, bad u heh duh jong ka sub-kommitti ha kaba iadei bad ki kyndon ban pyniaid ia u e-cigarettes ha Thailand, u ong ka kynhun ba treikam ka sngewthuh ia ka jingdonkam ban iada ia ka koit ka khiah jong ki briew bad iada ia ki khynnah bad kito kiba dang rit ka rta ba kin ioh ia ki e-cigarette.
Wat la katta ru, ka sub-kommitti ka iohi ia ki jingduna ha ki ain kiba la don lypa bad kumta ka la pynmih ia ki lai tylli ki kyndon kiba lah ban jied bad ia kaba yn sa rah ka komitti kaba kham ha shrong:
- Dei ban khang ia ka jingpyndonkam ia ki e-cigarettes, ia kaba lah ban leh da kaba: wanrah ia ki ain kiba biang, kynthup ka jingpynbna ia ka jingmana na ka tnad Ministry of Commerce bad ka Office jong ka Consumer Protection Board, ban pynsngewthuh shai bad ban nang pyniar shuh shuh ia ka lad kumno ban lah ban tehlakam noh ia ka jingpyndonkam ia ki e-cigarette bad ia ka jingpynmih ia u, ne da kaba wanrah ia ki ain kiba iadei ban buh noh ia u e-cigarette h aka thup jong ki mar kiba long beain, khang ba kan pynlong ia ka jingpynmih ia ki e-cigarette, ka jingthied na shabar, ka jingdon ia u, ka jingpyni lyngba ki byrta ki shula bad ka jingtan ia u kin long noh kiba beain.
- Dei ban buh noh ia kine ki jingdih kiba pyndonkam da kaba pynkhluid ia u duma, ne ban pynkhluid khlem da thang, ha ka thup jong ki mar kiba donkam ban tehlakam da kaba thaw ia ki ain, kynthup ruh ka jingmana na ka tnad Ministry of Commerce bad ka ophis jong ka Consumer Protection Board, bad wanrah ia ki ain kiba thymmai khnang ba lah ban pynrung ia kine ki mar kiba shna na u duma ba kin rung noh sha ka khajna jong ka excise tax hapoh jong ka Excise Tax Act bad donkam ia ka juh ka kyndon ban ioh ia ki, ban ai ia ki byrta ki shula bad ban tehlakam ia ka jingiakren shaphang kine bad kiwei kiwei ki mar ba shna na u duma.
- Dei ban buh ia baroh ar tylli kata ia u e-cigarettes bad kiwei kiwei ki jingdih duma ia kab ala pyndonkam da kaba thang pynkhluid ha ka thup kaba iadei bad ki mar kiba la don ka jingtehlakam da kaba wanrah ia ki ain kiba biang bad donkam ban da pyrkhing ia kine ki kyndon.
