Thep Vote u Dr DD Lapang

U Myntri Rangbah barim ka jylla u Dr DD Lapang hynne ka sngi ula thep vote ban jied ia u ne ka kyrtong kiba iakhun ilekshon MP Lok Sabha na Shillong Parliamentary Constituency.

Watla ka jingthep Vote kan long ha ka 19 tarik mynta u bnai, hynrei u Dr Lapang ula thep ia ka vote jong u hynne ka sngi lyngba ka Postal Ballot ha ka iingsah ka jong u kaba don ha Jaiaw Pdeng.

Kane ka jingioh thep vote ka dei kaba la pynkhreh kyrpang da ka tnad Election na ka bynta ki tymmen ki kro kiba la noh ha ka rta ha kylleng ka jylla Meghalaya, khnang ba kin ioh bynta lang ban jied ia ki nongmihkhmat sha ka iingdorbar thawaiñ ka ri India. 

U Dr Lapang uba la noh ka rta bad u bym don ka met ba koit ba khiah, ula pyndep ia ka jingthep vote hakhmat ki ophisar ba pyniaid ia ka ilekshon.