Ka Public Health Engineering (PHE) ka la pynshai ba kam don kano kano ka jingleh bakla ban pyntreikam ia ka skhim Jal Jeevan Mission (JJM) ha Garo Hills. U Additional Chief Engineer ka PHE ha ka kyrwoh khubor, ula pyntip ba ka tnad PHE ka la leh bha pynbiang ia ka umbam umdih ha ki shnong nongkyndong ha ka rilum Garo. Hynrei katei ka projek ka dang iaid shakhmat bad ki dang ialeh ban pynbeit ia ki jingeh na ka jingpyrshah ha kaba ia dei bad ki tyllong um, ka jingshim ia ki jaka bad kiwei bad ki Engineer ba peit ia ka kam ki dang ialeh ban pynbeit noh ia kine.
Une u heh ophisar ka PHE ula pyntip ruh, ba ka jingslem ha ki katto katne ki projek kadei namar ka jingmih ki jyrwit jyrwat kum ka jinglong ka suiñbneng bad kiwei kiwei ki daw bad kumta kila ai por shuh shuh ia ki kontraktor, da kaba buh hakhmat ba ym dei ban don kano kano ka shnong kaban shah iehnoh.
Ula ong “Kumta ngi kyntu ia ki nongshong shnong ba kim dei ban sheptieng ba ki kontraktor ki lah ban iehnoh ia kitei ki projek. Kala don ka jingbym shai ha ki paidbah bad ka rukom sam ia ki jingtip ha kaba iadei bad ka jinglong jingman jong ka JJM Scheme, kaba la lam sha ka jingmutdur bad kynnoh ka bym don jingmut” la ong u Additional CE ha kaba ula pynthikna ruh ba watla ki mad ia kitei ki jingeh bad jingtynjuh hynrei ki ophisar kiba la trei khlem shongthait kin pynthikna ba ka jingpyntreikam ia katei ka scheme kan long kaba jop”.
